ყაზახეთის ქალაქ აქტობეში ორმხრივი სროლის შედეგად გარდაცვლილთა რიცხვი 17-მდე გაიზარდა, - ამის შესახებ Interfax ქვეყნის შინაგან საქმეთა სამინისტროზე დაყრდნობით იუწყება.

მედიის ინფორმაციით, გარდაცვლილთა შორის 11 თავდამსხმელი, 3 სამხედრო, იარაღის მაღაზიის გამყიდველი, დაცვის თანამშრომელი და მაღაზიის მომხმარებელი არიან.

სხვადასხვა მედია საშუალების ინფორმაციით, თავდასხმაზე პასუხისმგებლობა დაჯგუფება “ყაზახეთის გათავისუფლების არმიამ” აიღო, თუმცა აღნიშნული ინფორმაცია არ დადასტურებულა.

5 ივნისს, ადგილობრივი დროით 14:30 საათზე რამდენიმე პირი აქტობეში იარაღის მაღაზიას დაესხა თავს და გამყიდველი და დაცვის თანამშრომელი მოკლა. ადგილზე პოლიციის ქვედანაყოფი მივიდა. ორმხრივი სროლის დროს დაიღუპა ორი სამართალდამცველი.

თავდამსხმელებმა გაქცევა შეძლეს და იარაღის კიდევ ერთი მაღაზია დაარბიეს, რის შემდეგაც გატაცებული ავტობუსით სამხედრო ნაწილის ტერიტორიაზე შეიჭრნენ და ცეცხლი გახსნეს.

ცნობისთვის, ამჟამად ყაზახეთის ქალაქ აქტობეში საგანგებო რეჟიმი მოქმედებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია