პოლონეთი რუსეთის მხრიდან მომავალი საფრთხეების აღსაკვეთად მოხალისეთა რაზმებს შექმნის, - ამის შესახებ ადგილობრივი მედია, პოლონეთის თავდაცვის სამინისტროს წარმომადგენელზე გჟეგოჟ კვასნიაკზე დაყრდნობით იუწყება.

კვასნიაკის თქმით, ამგვარი ქვედანაყოფის შექმნის მიზანს უკრაინის კონფლიქტის მსგავსი ჰიბრიდული ომისთვის მომზადება წარმოადგენს.

მისივე ინფორმაციით, ქვედანაყოფში 35 ათასი მოხალისე გაერთიანდება, რომლებიც სამხედრო მომზადებას გაივლიან. პოლონეთის თავდაცვის სამინისტროს წარმომადგენლის მონაცემებით, თითოეული მოხალისე ყოველთვიურად 500 ზლოტს (დაახლოებით 125 ევროს) მიიღებს.

ცნობისთვის, უკრაინის კრიზისის დაწყებიდან პოლონეთში მოხალისეთა ფორმირებების რაოდენობა გაიზარდა. მათი შემადგენლობა  12 ათასს აღწევს. 7-დან 17 ივნისამდე პოლონეთის მოხალისეთა რაზმები პირველად ნატო-ს წვრთნაში ჩაერთვებიან.

შეგახსენებთ, რომ რუსეთის პრეზიდენტის ვლადიმერ პუტინის განცხადებით, თუ პოლონეთსა და რუმინეთში ამერიკის შეერთებული შტატების რაკეტები განთავსდება, რუსეთი იძულებული იქნება, აღნიშნულ ქმედებებს უპასუხოს.

როგორც პუტინმა აღნიშნა, ვაშინგტონის ანტისარაკეტო ფარი რუმინეთსა და პოლონეთში მისი ქვეყნის უსაფრთხოებას პირდაპირ საფრთხეს უქმნის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი