რუსეთის უსაფრთხოების ფედერალური სამსახურის განცახდებით, რუსეთში ჯაშუშობის ბრალდებით ესტონეთიში მცხოვრები არსენ მარდალეიშვილი დააკავეს, - ამის შესახებ რუსული მედია იუწყება.

როგორც მედია საშუალება, უწყების პრესსამსახურზე დაყრდნობით წერს, მარდალეიშვილი სანქტ-პეტერბურგში დააკავეს. რუსეთის სპეცსამსახურების მტკიცებით, დაკავებული ესტონეთის პოლიციასთან თანამშრომლობდა და რუსეთის შეიარაღებული ძალების შესახებ საიდუმლო ინფორმაციას აგროვებდა.

ცნობისთვის, უწყების განცხადებაში ნათქვამია, რომ დაკავებული 1969 წელს დაბადებული მოქალაქეობის არმქონე პირია.

თებერვლის ბოლოს "შერემეტიოვოს აეროპორტში" რუსმა სამართალდამცველებმა ჯაშუშობის ბრალდებით ესტონეთის მოქალაქე რაივო სუსი დააკავეს, მას ორთვიანი წინასწარი პატიმრობა მიუსაჯეს.

მედიის ინფორმაციით, 2015 წლის ზაფხულში ჯაშუშობისთვის რუსეთში ესტონეთის კიდევ ერთ მოქალაქეს ესტონ კოჰვერს 15 წლით თავისუფლების აღკვეთა მიუსაჯეს. სექტემბრის ბოლოს ის ესტონეთის პოლიციის ოფიცერზე ალექსეი დრესსენზე გაცვალეს, რომელიც ესტონეთში რუსეთისთვის საიდუმლო ინფორმაციის გადაცემისთვის იხდიდა სასჯელს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გახარიას პარტია ყაველაშვილს მაღაროელების შეწყალებაზე მიმართავს

თბილისში ევროპის საბჭოს ადამიანის უფლებათა დაცვის კომისარი ჩამოვიდა

საქართველოში 15-17 აპრილს შედარებით თბილი და უმეტესად უნალექო ამინდია მოსალოდნელი

საზოგადოებრივი კვების ობიექტებში მომხმარებლისთვის სასმელების პლასტმასის ბოთლით მიწოდების აკრძალვა ძალაში რჩება, რეგულაცია პირველი ივლისიდან ამოქმედდება