სირიაში აშშ-ის სპეციალურმა წარმომადგენელმა, ტომას ბარაკმა დამასკოში, აშშ-ის ელჩის რეზიდენციის თავზე შეერთებული შტატების დროშა აღმართა, 2012 წელს საელჩოს დახურვის შემდეგ პირველად. ინფორმაციას ამის შესახებ „როიტერი“ ავრცელებს.

ფაქტს ორი კვირით ადრე წინ უძღოდა ერ-რიადში აშშ-ის პრეზიდენტის, დონალდ ტრამპისა და სირიის პრეზიდენტის აჰმედ ალ-შარაას შეხვედრა და ტრამპის ადმინისტრაციის მიერ სირიისთვის სანქციების შემსუბუქება.

აშშ-მა დამასკოში საკუთარი საელჩო 2012 წელს დახურა, ბაშარ ასადის წინააღმდეგ დაწყებული საპროტესტო გამოსვლებისა და შეიარაღებული კონფლიქტის დაწყებიდან ერთი წლის შემდეგ. თომას ბარაკი, რომელიც თურქეთში აშშ-ის ელჩია, სირიაში აშშ-ის სპეციალურ წარმომადგენლად 23 მაისს დაინიშნა. ის სირიაში პირველი ოფიციალური ვიზიტით იმყოფება.

ცნობისთვის, აჯანყებულებმა ალ-შარაას ისლამისტური დაჯგუფების, „ჰაიათ თაჰრირ ალ-შამის“ ხელმძღვანელობით ბაშარ ასადის რეჟიმი 2024 წლის დეკემბერში დაამხეს.

ავტორი: ექსპრესნიუსი,

სოციალური ქსელები

ზურაბიშვილი - მოსამართლე თეა ლეონიძემ განაჩენი პირველ რიგში გამოიტანა თავის თავს გამოუტანა, მერე კი რეჟიმს

ხაბეიშვილი - ამ ქვეყანას ეშევლება, მთავარია, ისე არ მოგვივიდეს, რომ სანამ აზრზე მოვლენ, აზრზე მოსვლას აზრი აღარ ჰქონდეს

სააპელაციომ 11 დემონსტრანტი პატიმრობაში დატოვა და არ შეუცვალა 2-წლიანი სასჯელი

თიბისის მხარდაჭერით თბილისის წიგნის ბაზრობა გაიმართება