საპენსიო რეფორმის დეპარტამენტის  ხელმძღვანელის, ოთარ ძიძიკაშვილის განცხადებით, დაგროვებით საპენსიო სისტემაში მონაწილე პირს, შესაძლებლობა ექნება, დაგროვილი თანხა საპენსიო ასაკის გასვლამდე გამოიტანოს.  თუმცა, როგორც ძიძიკაშვილმა ჟურნალისტებს განუმარტა, იქნება გარკვეული კრიტერიუმები, რომლის შემთხვევაშიც  პირს თანხის ვადაზე ადრე გატანა შეეძლება. 

„რაც მოიცავს მაგალითად, დაინვალიდებას, განსაკუთრებით მძიმე დაავადებებით დაავადებას და ა.შ. თუმცა მიზანია,   რაც შეიძლება მეტი ხანი გააგრძელოს ადამიანმა  სისტემაში მონაწილეობა, რომ მეტი დააგროვოს“, - განაცხადა ოთარ ძიძიკაშვილმა.

შეგახსენებთ, დაგროვებითი საპენსიო მოდელი 2017 წლის ოქტომბრიდან ამოქმედდება. დაგროვებით საპენსიო ფონდში, მოქალაქე, დამსაქმებელი და სახელმწიფო 2-2%-ს შეიტანენ.

პენსიონერები კერძო დაგროვებით სისტემაში მონაწილეობას ვერ მიიღებენ, რადგან მათ საპენსიო ასაკს უკვე მიაღწიეს.

კერძო დაგროვებით სისტემაში მონაწილეობის შესაძლებლობა ექნება ნებისმიერი ასაკის მოქალაქეს საპენსიო ასაკამდე, თუმცა როდესაც მოქალაქე მიაღწევს საპენსიო ასაკს, მას შეუძლია,  დაგროვება გააგრძელოს.

მოქალაქის გარდაცვალების შემთხვევაში კი, თანხა სრულად  მეუღლეს  გადეცემა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი