პირადი ცხოვრების ამსახველი ფარული კადრების მოპოვება-გავრცელების საქმეზე დაკავებულ ირაკლი ფხალაძის ადვოკატის ნანა ფილაურის განცხადებით, პროკურატურა მისთვის აღკვეთი ღონისძიების სახით, სავარაუდოდ, პატიმრობას მოითხოვს, თავად კი, 3 ათას ლარიან გირაოს შუამდგომლობას დააყენებს.

"რა ინფორმაციაც მას ჰქონდა, გამოძიებას მიეწოდა. ფხალაძე არის უდანაშაულო. მისი პოზიციაა, რომ არაა დამნაშავე. გირაოს თაობაზე ჩვენი მოთხოვნა დარწმუნებული ვარ, უფრო მეტად დასაბუთებული იქნება, ვიდრე ბრალდების შუამდგომლობა და გადაწყვეტილებაც აღკვეთის ღონისძიებასთან დაკავშირებით კანონიერი იქნება",- განაცხადა ფხალაძის ადვოკატმა.

შეგახსენებთ, პირადი და ოჯახური საიდუმლოს ხელყოფის ბრალდებით საქართველოს პროკურატურამ 5 პირის მიმართ სისხლისსამართლებრივი დევნა დაიწყო.

უწყების ინფორმაციით, პროკურატურამ ჩატარებული გამოძიებით დაადგინა გელა ღურწკაიას მიერ მოპოვებული ვიდეოჩანაწერების წარმომავლობა და დანაშაულში ჩართული იმ პირთა წრე, რომლებიც მონაწილეობას ღებულობდნენ ვიდეოჩანაწერების მოპოვებასა და გავრცელებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-მ კუბასთან საიდუმლო მოლაპარაკებები გამართა, ბოლო 10 წლის განმავლობაში პირველად

ირანი უარყოფს ტრამპის განცხადებას გამდიდრებული ურანის აშშ-ში გადაცემაზე დათანხმების შესახებ

გვარამია:ავტორიტარმა უნდა მიიღოს რისიც ეშინია, ამიტომ, 26 მაისს ყველანი რუსთაველზე

სანიკიძე: ცოტნე მამაშენია ის მოძალადე, რომელსაც უნდა გაემიჯნო