„ერთიანობა - ნაციონალური მოძრაობის“ წევრი, ლევან სანიკიძე თბილისის საქალაქო სასამართლომ 5 ათასი ლარით დააჯარიმა.

აღნიშნული გადაწყვეტილება მოსამართლე მანუჩარ ცაცუამ მიიღო.

ლევან სანიკიძის განცხადებით, ჯარიმის გადახდას არ აპირებს და რუსთაველის გამზირზე აქციას დღესაც შეუერთდება.

„გააერთიანეს ორი საქმე, ორივე არის დაახლოებით ერთნაირი შინაარსის. მედავებიან რუსთაველის გამზირზე დგომას და გადაკეტვას: 30 იანვრის და 1 თებერვლის ორი ეპიზოდია. დღევანდელი გადაწყვეტილებით მათ გააერთიანეს ჯარიმები და 10 ათასი ლარის ნაცვლად მიიღეს გადაწყვეტილება, რომ 5 ათასი ლარით დავეჯარიმებინე. მე რა თქმა უნდა, ამ ჯარიმის გადახდას არ ვაპირებ. ვთვლი, რომ კანონსაწინააღმდეგო არაფერი არ ჩამიდენია. თავად სანქცირებულმა მოსამართლემ ჩაიდინა უსამართლობა.

მე დარწმუნებული ვარ, რომ ამ ქვეყანაში დადგება დრო, როცა სასამართლოს ამ შენობაში იქნება სამართალი და რუსთაველის გამზირზე აღარ მოგვიწევს ბრძოლა ამ ქვეყნის თავისუფლებისთვის და პოლიტპატიმრების გათავისუფლებისთვის. დღესაც კვლავინდებურად ვიქნები რუსთაველის გამზირზე და დღევანდელ ეპიზოდზეც ერთი-ორი თვის შემდეგ დამიბარებენ სასამართლოში “, - განაცხადა ლევან სანიკიძემ.

ავტორი: ექსპრესნიუსი,

სოციალური ქსელები

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი

თბილისში Trump Tower აშენდება - Wall Street Journal