გერმანიამ წელს უკრაინის სამხედრო მხარდაჭერისთვის განკუთვნილი ბიუჯეტი 3 მილიონი ევროთი გაზარდა და მომავალ წლებში 8 მილიონ ევროზე მეტს დახარჯავს, - ამის შესახებ გერმანიის თავდაცვის მინისტრმა, ბორის პისტორიუსმა ბრიუსელში განაცხადა, სადაც უკრაინის თავდაცვის საკონტაქტო ჯგუფის შეხვედრა მიმდინარეობს.

მისი თქმით, ომის მომავალზე მოლაპარაკებების დასაწყებად, შესაძლოა, ფანჯარა გაიხსნას.

„მაგრამ ეს ფანჯარა მხოლოდ იმ შემთხვევაში გაიხსნება, თუ რუსეთს ვაჩვენებთ, რომ უკრაინა, საჭიროების შემთხვევაში, ბრძოლის გაგრძელებას შეძლებს“, - აღნიშნა გერმანიის თავდაცვის მინისტრმა.

მისი თქმით, შეიარაღების უფრო მოწინავე სისტემებით, საკმარისი რაკეტებითა და საბრძოლო მასალით, ასევე კარგად გაწვრთნილი ძალებით, უკრაინა კვლავ შეძლებს თავის დაცვას შესაძლო ცეცხლის შეწყვეტის ან სამშვიდობო შეთანხმების შემდეგაც კი.

„რუსეთს არ უნდა ჰქონდეს ილუზია, უკრაინა ძლიერდება. ჩვენ ეს უნდა უზრუნველვყოთ და აუცილებლად უზრუნველვყოფთ“, - აღნიშნა პისტორიუსმა.

ცნობისთვის, 50-მდე ქვეყნის წარმომადგენელი დღეს ბრიუსელში უკრაინის თავდაცვის საკონტაქტო ჯგუფის შეხვედრას მართავს, რომელსაც გერმანიისა და გაერთიანებული სამეფოს თავდაცვის მინისტრები თანათავმჯდომარეობენ. შეხვედრაზე მოისმენენ, რა ვითარებაა ადგილზე, რა არის საჭირო და როგორ შეუძლიათ მათ დახმარების გაწევა. აშშ-ის თავდაცვის მდივანი, პიტ ჰეგსეთი შეხვედრას ვიდეოკავშირის საშუალებით დაესწრება. მანამდე ვრცელდებოდა ინფორმაცია, რომ შეხვედრა აშშ-ის წარმომადგენლის მონაწილეობის გარეშე გაიმართებოდა.

ავტორი: ექსპრესნიუსი,

სოციალური ქსელები

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა