აჭარის დასაქმების სააგენტოს პროგრამის ფარგლებში, პროფესიული გადამზადების კურსი ოცმა მოქალაქემ გაიარა. პროგრამის კურსდამთავრებულთა დაჯილდოების ღონისძიება ქობულეთში, პროფესიულ კოლეჯ „ახალ ტალღაში“ გაიმართა. აღნიშნულის შესახებ ინფორმაციას აჭარის ჯანდაცვის სამინისტრო ავრცელებს.

მათი ცნობით , სერთიფიკატების გადაცემის ცერემონიალს, აჭარის ჯანმრთელობისა და სოციალური დაცვის მინისტრის მოადგილე, ზურაბ თენიეშვილი სააგენტოს ხელმძღვანელთან, თემურ კახიძესთან ერთად დაესწრო და პროგრამით მოსარგებლეებს კურსის დამთავრება მიულოცა.

„პროგრამის - „დასაქმების ხელშეწყობა პროფესიული მომზადება/გადამზადების გზით“ მოსარგებლეებმა, გადამზადების მოკლევადიანი კურსი გაიარეს შემდეგ პროფესიებში: კულინარიის ხელოვნება, კონდიტერია, შედუღება, ელექტროობა, ამწე და მსგავსი მანქანის ოპერირება, ასევე მძიმე სამშენებლო ტექნიკის ოპერატორი.

პროგრამა ითვალისწინებს, სამუშაო გამოცდილების და ინდივიდუალური განათლების მქონე პირის, კვალიფიკაციის სრულყოფას და შრომის ბაზარზე მისი მდგრადობის გაუმჯობესებას, სამუშაოსთან თავსებადი გადამზადების მოკლევადიანი კურსის შეთავაზებითა და სერტიფიცირების გზით.

გასულ წელს, აჭარის დასაქმების სააგენტოს პროგრამებით, სპეციალური გადამზადების კურსი 250-ზე მეტმა სამუშაოს მაძიებელმა გაიარა. მიმდინარე წელს უწყება მოქალაქეთა დასაქმების ხელშეწყობის მიზნით 8 მიზნობრივ პროგრამას ახორციელებს, ჯამში 350-მდე მოქალაქე გადამზადდება“,- აღნიშნულია აჭარის ჯანდაცვის სამინისტროს ინფორმაციაში.

ავტორი: NS (სტატია დაფინანსებულია),

სოციალური ქსელები

ოპოზიციის ალიანსმა მაღალი ფასების შესამცირებლად საკუთარი ხედვა წარადგინა

„ჩვენ მისგან შორს უნდა დავიჭიროთ თავი“ - ევროპულმა ულტრამემარჯვენეებმა ტრამპს ზურგი აქციეს

იმოგზაურე გიორგი მოსიძესთან ერთად აზროვნების სამყაროში - ფოთში, გიორგი მოსიძესთან შეხვედრა გაიმართება

კობახიძე - ამჟამინდელ ევროკავშირს სერიოზული გამოწვევები აქვს