„უნდა ვიბრძოლოთ, რომ პოლიტიკური მართლმსაჯულება ერთხელ და სამუდამოდ დასრულდეს“, - ამის შესახებ „ერთიანი ნაციონალური მოძრაობის“ წევრმა ხატია დეკანოიძემ განაცხადა.

მან ასევე აღნიშნა, რომ ბევრმა ადამიანმა გამოთქვა სურვილი, რომ გირაო შეგროვდეს.

„ყველამ ერთად უნდა ვიბრძოლოთ, რომ პოლიტიკური მართლმსაჯულება ერთხელ და სამუდამოდ დასრულდეს.

დასრულდეს ის, რომ სასამართლო არ იცავს ადამიანის უფლებებს. დასრულდეს სისტემის და რეჟიმის მიერ სასამართლო სისტემის გამოყენება.

რაც შეეხება გაგრძელებას, ჩვენთვის არაფერი იცვლება.

გააზრებული გვაქვს, რა ბრძოლაშიც ვართ, გააზრებული გვაქვს, რომ ეს პარლამენტი ლეგიტიმური არ არის, გავაგრძელებთ თითოეული პოლიტპატიმრისთვის, თითოეული ადამიანისთვის ბრძოლას.

თუმცა გვახსოვდეს რომ ეს არის მხოლოდ აღკვეთის ღონისძიების შეცვლა, ეს არ არის მათი საბოლოო თავისუფლება. ძალიან ბევრმა ადამიანმა გამოთქვა სურვილი, რომ გირაო შეგროვდეს და ყველაფერს გავაკეთებთ, რომ ეს გირაო შეგროვდეს.

ყველა, საზოგადოების თითოეული წევრი დარწმუნებული ვარ, ისიც კი, ვინც დღეს სხვა მხრიდან უყურებს ამას, ჩათვლის თავს ვალდებულად, რომ მათ დაეხმაროს.

ჩემთვის ძალიან მნიშვნელოვანი იყო, რომ ეს ადამიანები გამოსულიყვნენ თავისუფლებაზე, ამის შემდეგ ბრძოლა გრძელდება, ეს არ არის ბრძოლის დასასრული.

ყველაფერი უნდა გავაკეთოთ ამ სისტემის შესაცვლელად“, – განაცხადა ხატია დეკანოიძემ.

ავტორი: ექსპრესნიუსი,

სოციალური ქსელები

უკრაინამ ერთ კვირაში მეორედ დაარტყა რუსეთის ერთადერთ ნავთობგადამამუშავებელ ქარხანას შავ ზღვაზე, ერთი ადამიანი დაიღუპა.

ღმერთია და ექიმი არ სჭირდებაო - ნარიმან მაქარაშვილთან, მისი თაყვანისმცემლები ექიმს არ უშვებდნენ -ვიდეო

რუსეთში დამკრძალავი კომპანიების რაოდენობა მკვეთრად გაიზარდა, უკრაინაში რეკორდული დანაკარგის ფონზე.

ტრამპი: თუ ირანი გარიგებას არ დათანხმდება, ყველა ელექტროსადგურს და ხიდს დავანგრევთ