აბიტურიენტი, რომელსაც კორონა ვირუსი დაუდასტურდა გამოცდა სამკურნალო სივრცეში ჩააბარებს.

უწყებათაშორისი საკოორდინაციო საბჭოს გადაწყვეტილებით და საქართველოს განათლების, მეცნიერების, კულტურისა და სპორტის სამინისტროს, ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროსა და დაავადებათა კონტროლისა და საზოგადოებრივი ჯანმრთელობის ეროვნული ცენტრის ერთობლივი გადაწყვეტილებით, აბიტურიენტი, რომელსაც კორონა ვირუსი დაუდასტურდა ერთიან ეროვნულ გამოცდებს მაინც ჩააბარებს.

აბიტურიენტი გამოცდას მისივე სამკურნალო ადგილას ჩააბარებს ექიმებისა და გამოცდების ცენტრის წარმომადგენლის მეთვალყურეობის ქვეშ. ის ადგილზე, სადაც ინფიცირებული მკურნალობას გადის, უზრუნველყოფილი იქნება შესაბამისი საგამოცდო გარემო.

შეგახსენებთ, რომ  აბიტურიენტს კორონავირუსი ქართული ენისა და ლიტერატურის გამოცდის ჩაბარების შემდეგ დაუდასტურდა. მასთან ერთად საგამოცდო ოთახში მყოფი ცხრავე აბიტურიენტი საკარანტინე სივრცეში განთავსდა.

მათ ყოველი გამოცდის წინ უტარდებით PCR ტესტი და საგნებს აბარებენ სპეციალურად გამოყოფილ საგამოცდო სივრცეში.

ავტორი: ექსპრესნიუსი,

სოციალური ქსელები

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული