ნოდარ ჯავახიშვილი: ვერ ვხედავ რაიმე ისეთ ინფრასტრუქტურულ პროექტს, რომლის შეჩერებაც ლარის კუსს გაამყარებს

2015-08-25 15:54:47, 635 ნახვა

ეკონომიკა

რეგიონული განვითარებისა და ინფრასტრუქტურის მინისტრის ნოდარ ჯავახიშვილის განცხადებით, ის ვერ ხედავს რაიმე ისეთ ინფრასტრუქტურულ პროექტს, რომლის შეჩერებაც ლარის კუსს გაამყარებს.

ამის შესახებ ჯავახიშვილმა ბიუჯეტის კიდევ ერთხელ კორექტირების საკითხის კომენტირებისას განაცხადა.

"ყველაფერი შეიძლება, მაგრამ ამის აუცილებლობას ვერ ვხედავ. ხვალვე შეგვიძლია, რომ ავტობანზე გავაჩეროთ მუშაობა. მაგრამ გვინდა? უნდა გავითვალისწინოთ რას ვღებულობთ რის ხარჯზე. ვერ ვხედავ, რომ რაიმე ისეთ ინფრასტრუქტურულ პროექტს ვახორციელებთ, რომლის შეჩერებაც ლარის კუსს გაამყარებს და გრძელვადიან პერსპექტივაშიც მისაღები იქნება ქვეყნისთვის. პირიქით, ნეტა იყოს მეტი შესაძლებლობა, რომ უფრო მეტი გავაკეთოთ", - განაცხადა ნოდარ ჯავახიშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან