2015-07-03 17:04:06, 921 ნახვა

---

სერგეენკო: სახალხო დამცველის რეკომენდაციებს ყურადღებით ვუსმენთ, თუმცა ჩვენსასაც თუ მოისმენს, კარგი იქნება

"სახალხო დამცველის რეკომენდაციებს ჩვენ ყოველთვის ყურადღებით ვუსმენთ, თუმცა, ჩვენსასაც თუ მოისმენს, კარგი იქნება",-ამის შესახებ შრომის, ჯანმრთლობისა და სოციალური დაცვის მინისტრმა დავით სერგეენკომ ჟურნალისტებს ომბუდსმენის რეკომენდაციის კომენტირებისას  განუცხადა.

მინისტრის თქმით, ჯანდაცვის სამინისტროს სოციალური დაცვის დეპარტამენტში არის სპეციალური მონიტორინგის სააგენტო, რომელიც ბავშვთა საქმეე  მონიტორინგს ახორციელებს.

„ჯანდაცვის სამინისტროს სოციალური დაცვის დეპარტამენტში არის სპეციალური მონიტორინგის სააგენტო, რომელიც ახორციელებს მონიტორინგს ბავშვთა საქმეზე და ამ მხრივ, რაიმე ტრაგიკული ცვლილებების ჩატარება  საჭირო არაა. სახალხო დამცველის რეკომენდაციებს  ყოველთვის ყურადღებით ვუსმენთ, თუმცა ჩვენსასაც თუ მოისმენს, კარგი იქნება“, - განაცხადა დავით სერგეენკომ.

ცნობისთვის, სახალხო დამცველის რეკომენდაციაა, რომ  სოციალური მუშაკების საქმიანობა გადაიხედოს, რათა ბავშვთა სახლებში ძალადობისა და არასათანადო მოპყრობის ფაქტები გამოირიცხოს.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი