სასამართლო სისტემაში დამოუკიდებელი ინსპექტორის ინსტიტუტის შემოღების საკითხზე შეხვედრა გაიმართება

2015-05-22 16:36:09, 720 ნახვა

სამართალი

მართმსაჯულების სახლში, ხვალ, 12:00 საათზე, საქართველოს მოსამართლეთა ასოციაციის ეგიდით, „საქართველოს საერთო სასამართლოების მოსამართლეთა დისციპლინური პასუხისმგებლობისა და დისციპლინური სამართალწარმოების შესახებ“ საქართველოს კანონში მოსალოდნელ ცვლილებებთან დაკავშირებით, შეხვედრა გაიმართება.

კერძოდ, შეხვედრაზე განიხილება სასამართლო სისტემაში დამოუკიდებელი ინსპექტორის ინსტიტუტის შემოღებისა და მასთან დაკავშირებული მთელი რიგი საკითხები. შეხვედრაზე მიწვეულები არიან: საქართველოს უზენაესი სასამართლოს თავმჯდომარე - ნინო გვენეტაძე, იუსტიციის უმაღლესი საბჭოს მდივანი - ლევან მურუსიძე, საბჭოს წევრები, საერთო სასამართლოების მოსამართლეები, არასამთავრობო და საერთაშორისო ორგანიზაციების წარმომადგენლები.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან