7 ივნისს, საქართველოს თავდაცვის სამინისტროს, არასამთავრობო ორგანიზაცია „დამოუკიდებელი განვითარების ასოციაციის“ (IDA) და საბურთალოს გამგეობის ორგანიზებით გაიმართება მარათონი სახელწოდებით „ერთად ვიმარჯვებთ“.

თავდაცვის სამინისტროს ინფორმაციით, 5,5 კილომეტრიანი გარბენი სტარტს 09:00 სთ-ზე საბურთალოს გამგეობასთან (მიცკევიჩის N29) აიღებს და 12:00 სთ-ზე თავისუფლების მოედანზე დასრულდება. 

„ღონისძიება მიზნად ისახავს ჯანსაღი ცხოვრების წესის დამკვიდრებას, ვეტერანებისა და შშმ პირების ჩართვას მსგავს აქტივობებში და ახალგაზრდებში მარათონის პოპულარიზაციას“, – აცხადებენ სამინისტროში. 
მათივე ცნობით,  გარბენში მონაწილეობის მიღება შეუძლია ნებისმიერ მსურველს 16 წელს ზემოთ. 
ონლაინ რეგისტრაცია მიმდინარეობს ვებ-გვერდზე www.ida.ge . რეგისტრაცია გაგრძელდება 5 ივნისამდე, ხოლო მათ, ვინც ვერ მოახერხებენ ონლაინ რეგისტრაციის გავლას, შესაძლებლობა მიეცემათ დარეგისტრირდნენ ადგილზე, 7 ივნისს დილის 08:00 საათიდან.
სარეგისტრაციო ნომრების (BIB numbers) აღება შესაძლებელი იქნება მარათონის დღეს, სტარტის ხაზთან. ისინი ვინც რეგისტრაციას ადგილზე გაივლიან, სარეგისტრაციო ნომერს მოკლე ანკეტის შევსების შემდეგ მიიღებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო