ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი მის სამინისტროსთან „ნაციონალური მოძრაობის“ მიერ დღეს დაგეგმილ აქციას გამოეხმაურა.

სუბარის თქმით, „ნაციონალურმა მოძრაობა“  რუსეთს საქართველოს  ტერიტორიები მოღალატეობრივად ჩააბარა და  კარგი იქნებოდა, აქციები იმ ტერიტორიაზე გაემართათ:

„პირველ რიგში, 2 საათზე აქციას გეგმავს „ნაციონალური მოძრაობა“ ჩვენს სამინისტროსთან, რა ინფორმაციაც მაქვს თვითონ დევნილებისგან 2 კვირიანი სრული მობილიზებით, ლამის სამხედრო რეჟიმზე გადავიდნენ მოახერხეს და 400 კაციანი სია შექმნეს, რომელთა მოყვანასაც აპირებენ. ამ 400 კაციანი სიიდან რამდენი მოვა, ისიც გასარკვევია. ისე, კარგი იქნებოდა, აქციები იმ ტერიტორიაზე გაემართათ, რომელიც მოღალატეობრივად ჩააბარეს რუსეთს. ახალ გორში, მაგალითად, რომელიც ჯერ გამოყვეს მცხეთა-მთიანეთიდან, შემდეგ შეუერთეს ე.წ სამხრეთ-ოსეთის ავტონომიურ ოლქს. შემდეგ კი ჩააბარეს რუსეთს. კოდორში, საკუთარ ტერიტორიაზე სამხედრო ჯარი შეიყვანეს, საკუთარი ტერიტორიის დაპყრობის იმიტაცია გაითამაშეს და ჩააბარეს რუსეთს. აქ გაემართათ აქციები”,-განაცხადა სოზარ სუბარმა.

რაც შეეხება დევნილების დახმარებებს, მინისტრის განმარტებით,  ის დევნილის სტატუსს არ შეეხება:

„ ის, როგორც პოლიტიკური სტატუსი რჩება, სანამ არ მოხდება დაბრუნება. საერთაშორისო სტანდარტი ის არის, რომ ასეთი სტატუსი არ არსებობს. ეს არ არის ჩვენთან განხილვის საგანი“,- აღნიშნა სუბარმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი