ევროპის საბჭოს გენერალურმა მდივანმა და საქართველოს საგარეო საქმეთა მინისტრმა ერთობლივ პრესკონფერენციაზე მთავარი აქცენტი ოკუპირებულ ტერიტორიებზე შექმნილ ვითარებაზე გააკეთეს. 

როგორც ტორბიორნ იაგლანდმა განაცხადა, აფხაზეთში ენგურის ხიდზე შექმნილი გადაადგილების პრობლემის მოსაგვარებლად საკუთარი შესაძლებლობების მაქსიმუმს აკეთებს.

მისი თქმით, უკეთესი იქნება თუ მათ მონიტორინგის საშუალება უშუალოდ ადგილზე ექნებათ.

იაგლანდის განმარტებით, აფხაზებსა და ოსებთან ნდობის აღსადგენად ევროპის საბჭო აქტიურად მუშაობს.

ამასთან, ოკუპირებულ აფხაზეთში კულტურული მემკვიდრეობის ძეგლების განადგურებას საგარეო საქმეთა მინისტრი მიხეილ ჯანელიძე ეთნიკური წმენდის შემადგენელ ნაწილად აფასებს. მინისტრის თქმით, ამ ფაქტის შესახებ მან იუნესკოს წერილი რამდენიმე დღის წინ გაუგზავნა და ამ პრობლემაზე ყურადღების გამახვილება სთხოვა.

ცნობისთვის, ევროპის საბჭოს გენერალური მდივანი ამ წუთებში პარლამენტის თავმჯდომარე ირაკლი კობახიძეს უმრავლესობასთან და საპარლამენტო ოპოზიციასთან ერთად ხვდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი