დედაქალაქის მერია დღეიდან მუშაობას ახალი შემადგენლობით იწყებს. 

დედაქალაქის მერმა დავით ნარმანიამ მთავრობის ახალ წევრებს წარმატება უსურვა და მეტი აქტიური მუშაობისკენ მოუწოდა. 

„აქამდე ჩვენ  2 ფრონტზე გვიწევდა მუშაობა. უამრავი პრობლემა იყო, რომელიც მერიაში დაგვხვდა. ამის მოგვარებაზე  ვზრუნავთ. ახლა არის ეტაპი, როცა პრობლემების უდიდესი ნაწილი დაძლეულია და განვითარებისკენ სვლის პერიოდი  დადგა. ამიტომ ერთობლივი ძალისხმევით ტემპში უნდა ვიმუშავოთ და დავდოთ ის შედეგი, რასაც საზოგადოება ელოდება“, – განაცხადა ნარმანიამ. 

ცნობისთვის, თბილისის საკრებულომ გუშინ, დედაქალაქის მთავრობის წევრობის ახალ კანდიდატებს მხარი დაუჭირა. ვიცე–მერის თანამდებობაზე ეკონომიკის მინისტრის ყოფილი მოადგილე დიმიტრი ქუმსიშვილი დაინიშნა, რომელმაც ალექსანდრე მარგიშვილი შეცვალა. მერის მოადგილის პოსტი ირაკლი ლექვინაძემ დაიკავა. მან მერიაში ალუდა გოგლიჩიძე ჩაანაცვლა. ამასთან, მერიის ადმინისტრაციის ხელმძღვანელად პაატა ჯაჭვლიანი, ტრანსპორტის საქალაქო სამსახურის უფროსად კი, გიორგი გურგენიძე დაინიშნა. დედაქალაქის საკრებულომ ვაკის ახალ გამეგებელს, ლაშა აბაშიძესაც დაუჭირა მხარი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს