მოლაპრაკების შედეგად დადგინდა, რომ საომარი მოქმედების პირველი ხაზიდან გაყვანილი იქნეს, როგორც სეპარატისტების, ასევე უკრაინული არმიის მძიმე ტექნიკა. 

„მე ვთვლი, რომ პირველი ხაზიდან გაყვანილი უნდა იყოს მძიმე ტექნიკა, ამაზე შეთანხმება შედგა გასული წლის 19 სექტემბერს მინსკის შეხვედრაზე.  ვფიქრობ, რომ ეს დაუყოვნებლივ უნდა შესრულდეს“,-განაცხადა რუსეთის ფედერაციის  პრეზიდენტმა ვლადიმერ პუტინმა. 

როგორც პუტინმა აღნიშნა, სეპარატისტები ვარაუდობენ, უკრაინული არმია დებალცევოში იარაღს ჩააბარებს. 

შეთანხმების მიხედვით, სეპარატისტები უკან დაიხევენ იმ პოზიციებიდან, რომელიც სექტემბერში, მინსკში მემორანდუმით შეთანხმდა. 

ამასთან, მინსკის დოკუმენტის მიხედვით, ყველა უცხოურ შეიარაღებულ ფორმირებას უკრაინის ტერიტორიის დატოვება მოუწევს. 

უკრაინის პრეზიდენტის, პეტრო პოროშენკოს განცხადებით , მინსკში შეთანხმებულ დოკუმენტში არის პუნქტი, რომელიც ყველა უცხოური შეიარაღებული ფორმირების მიერ უკრაინის ტერიტორიის დატოვებას გულისხმობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

WSJ: აშშ-სა და ისრაელის დაბომბვებმა ირანს ბირთვული ბომბის შექმნის შესაძლებლობა არ წაართვა

ორბანი და უნგრეთის საგარეო საქმეთა მინისტრი სიიარტო არჩევნებში დამარცხების შემდეგ საზოგადოების თვალთახედვიდან გაუჩინარდნენ

ანაპას სანაპიროზე ნავთობის დაღვრის შედეგად 200-ზე მეტი დაშავებული ფრინველი აღმოაჩინეს

სააკაშვილი: ივანიშვილს და ოცნებას მამა გარდაეცვალა ორბანის სახით