2022-12-20 13:27:58, 1605 ნახვა

---

ნინო ნიჟარაძემ სამინისტროს მომავალი წლის ბიუჯეტის პროექტი ბათუმის მერიის თანამშრომლებს წარუდგინა

აჭარის ჯანმრთელობისა და სოციალური დაცვის მინისტრმა, ნინო ნიჟარაძემ სამინისტროს 2023 წლის ბიუჯეტის პროექტი და დაგეგმილი პროგრამული სიახლეები, ქალაქ ბათუმის მერიაში, მერის წარმომადგენლებს  და მერიის თანამშრომლებს გააცნო.

გეგმის თანახმად 2023 წელს სამინისტროს ბიუჯეტი 4 000 000 ლარით გაიზრდება და 32 735 000 ლარი იქნება. შესაბამისად გაიზრდება პროგრამების ბიუჯეტი და მოსარგებლეთა რაოდენობა, ასევე ამოქმედდება რამდენიმე ახალი პროგრამა.

,,შეხვედრის მონაწილეებს, რომლებიც უშუალო კავშირში არიან ადგილობრივ მოსახლეობასთან, მათი მაქსიმალური ინფორმირების მიზნით, სამინისტროს მომავალი წლის ბიუჯეტში დაგეგმილი სიახლეები და ცვლილებები  გავაცანით. განვიხილეთ საქართველოს ჯანდაცვის სამინისტროს DRG მოდელის ამოქმედების საფუძველზე, აჭარის ჯანდაცვის სამინისტროს რიგ პროგრამებში განხორციელებული თანადაფინანსების მეთოდი. ასევე, ის ახალი პროგრამები, რომლებიც 2023 წლიდან ამოქმედდება“ - აღნიშნა მინისტრმა, ნინო ნიჟარაძემ.

 შეხვედერას ბათუმის მერის მოადგილე ლელა სურმანიძე და მინისტრის პირველი მოადგილე, მარი ზანაქიძე ესწრებოდნენ.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი