ეროვნული ბანკის ყოფილი პრეზიდენტის რომან გოცირიძე, მონეტარული პოლიტიკის განაკვეთის 7.0 პროცენტამდე გაზრდის შესახებ ეროვნული ბანკის გადაწყვეტილებას დადებითად აფასებს.

როგორც გოცირიძემ „ექსპრესნიუსს“ განუცხადა, ეროვნული ბანკის გადაწყვეტილება სწორი და დროული იყო, რადგან მთავრობამ კომერციული ბანკიდან მისაღები სესხის პროცენტი ძალიან გაზარდა.

 „ეს გადაწყვეტილება სწორიც იყო და დროულიც, ვინაიდან უკვე მთავრობამ ძალიან გაზარდა კომერციული ბანკიდან მისაღები სესხის პროცენტი, ანუ სახაზინო ვალდებულებებისგან გათავისუფლების პროცენტმა ორჯერ იმატა. თუ შარშან მთავრობა კომერციული ბანკებისგან ბიუჯეტისთვის შიდა ვალს იღებდა 5 პროცენტის ფარგლებში, ეხლა უკვე გაორმაგდა ეს ხარჯი და 10 პროცენტად იღებს ერთ წლიან სესხს. 2 ან 3 წლიან სესხზე კიდევ უფრო მეტია და თითქმის 15 პროცენტს მიუახლოვდა. ასე რომ როდესაც ასეთი მაღალია სახაზინო ვალდებულებებიდან შემოსავალი, კომერციული ბანკების დაინტერესება რეფინანსირების სესხების გადაქაჩვა არაა მოკლვადიანი სესხების დასაკმაყოფილებლად, არამედ შეიძლება ის გამოყენებული იყოს ასევე ბიზნესის დაკრედიტებისა ბიუჯეტზე გადასასესხებლად“, - განაცხადა გოცირიძემ.

როგორც გოცირიძემ აღნიშნა, ლარის მკვეთრი გაუფასურების გამო, ეროვნული ბანკი იძულებული გახდა რადიკალური ზომები მიეღო და ამიტომ ეპიზოდური ინტერვენციები დაიწყო, თუმცა მისივე თქმით, ეს ვალუტის დანაკლისის შესვსების წყარო არ არის.

„მოკლე ინფლაციის ზომამ და ლარის დევალვაციის ზრდამ ეროვნულ ბანკს აიძულა, რომ მიეღო უფრო რადიკალური ზომები. ამიტომ დაიწყო ეპიზოდური ინტერვენციები, თუმცა ინტერვენციები არ არის ვალუტის დანაკლისის შევსების წყარო, ვინაიდან მილიარდიან დანაკლისს ვერაფერი ვერ შეავსებს 40, 80 ან თუნდაც 100 მილიონის ოდენობის უცხოური ვალუტის გაყიდვით. ეს მოკლევადიანი რყევების გასანეტირალებლად არის გამიზნული, მათ შორის ასეთი მოლოდინების გასანეიტრალებლად და ფსიქოლოგიური შოკების მოსახსნელად. ორივე გადაწყვეტილება არის სწორი და ეროვნული ბანკი ალბათ ესეთ ეპიზოდურ ინტერვენციებს გააგრძელებს“, - განაცხადა რომან გოცირიძემ.

ცნობისთვის, ეროვნული ბანკი მონეტარული პოლიტიკის განაკვეთი 1.0 პროცენტული პუნქტით 7.0 პროცენტამდე გაზარდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული