2020-06-14 12:48:04, 15120 ნახვა
ომი უკრაინაში
სოფელ მეტეხში მცხოვრებ ქალს COVID-19 დაუდასტურდა, ის თბილისის რესპუბლიკური საავადმყოფოს თანამშრომელია
კასპის მუნიციპალიტეტის სოფელ მეტეხში მცხოვრებ ქალს, რომელიც თბილისის რესპუბლიკურ საავადმყოფოს თანამშრომელია, კორონავირუსი დაუდგინდა.
მუნიციპალიტეტის მერის წარმომადგენლის, სოსო მარღიშვილის ინფორმაციით, პაციენტი რესპუბლიკური საავადმყოფოს ინფიცირებული მედდის ე.წ. კლასტერს მიეკუთვნება და ვირუსის დადასტურებამდე ის თბილისში, თვითიზოლაციაში იმყოფებოდა.
მისივე თქმით, ამ წუთებში სოფელ მეტეხში, ინფიცირებული ქალის ოჯახში ეპიდემიოლოგები მუშაობენ. ინფიცირებული ქალის ოჯახის წევრები კი უკვე თვითიზოლაციაში იმყოფებიან.
ცნობისთვის, შიდა ქართლში, ბოლო რამდენიმე დღის განმავლობაში, კორონავირუსის 6 შემთხვევა გამოვლინდა.
ავტორი: ექსპრესნიუსი,
epn.ge (@expressnews.ge)
