იაპონელი მამაკაცი, მსოფლიოს უხუცეს ადამიანად აღიარეს, იგი 112 წლის ასაკში გარდაიცვალა.

ჩიტეცუ უატანაბე, იაპონიის ცენტრალური ქალაქის, ჯოეცუს მაცხოვრებელი იყო. იაპონური მედიის, „კიოდო ნიუსის“ თანახმად, იგი კვირას, 23 თებერვალს გარდაიცვალა.

უატანაბე ნიიგატაში, ჩრდილოეთ იაპონიაში, 1907 წლის 5 მარტს დაიბადა. 12 თებერვალს, მან გინესის მსოფლიო რეკორდსმენის ოფიციალური დამადასტურებელი საბუთი მიიღო, სადაც იგი მსოფლიოს უხუცეს ადმიანად მოიხსენიეს. უატანაბეს წინამორბედი, ასევე იაპონელი მასაზო მომაკა იყო, რომელიც ერთი თვის წინ, 113 წლის ასაკში გარდაიცვალა.

ერთ-ერთი უხუცესი ადამიანი, ასევე იაპონელი კანე ტანაკა გახლდათ.  117 წლის კანე, 2018 წლის იანვარში გარდაიცვალა.

უატანაბე მეორე მსოფლიო ომის მონაწილე იყო. ომის დამთავრების შემდეგ, იგი სამშობლოში დაბრუნდა და სამოქალაქო მოხელედ მუშაობდა საპენსიო ასაკამდე. გარდაცვალებამდე უატანაბე მოხუცთა თავშესაფარში ცხოვრობდა.

გინესის დაჯილდოების ცერემონიალზე მისი ხანგრძლივი ცხოვრების საიდუმლო გაამხილა. მისი თქმით, იგი არასდროს ბრაზდებოდა და ხშირად იღიმოდა.

იაპონელ უხუცესს 5 შვილი, 12 შვილიშვილი, 16 შვილთაშვილი და ერთი შვილთაშვილის შვილი ჰყავდა.

ავტორი: ექსპრესნიუსი,

სოციალური ქსელები

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება