პარლამენტში მიმიდნარე სხდომაზე ვიცე-სპიკერმა ირმა ინაშვილმა განათლების მინისტრობის კანდიდატ ალექსანდრე ჯეჯელავას მიმართა და აღნიშნა, რომ მისი შეფასება ქართულ ზღაპრებსა და კერძოდ "კომბლესთან” დაკავშირებით უხერხულია.

როგორც ინაშვილმა აღნიშნა, განათლების მხრივ საქართველოში უმძიმესი ვითარებაა, რაც პარტიის მიერ ჩატარებულ გამოკითხვაშიც ჩანს.

"მე არ ვიცი რა არის ნეგატიური ქართულ ზღაპრებში და უხერხული იყო თქვენი მხრიდან ქართული ზღაპრების რევიზია ასეთ სტილში. იმის მაგივრად, რომ ჩვენ ახალ თაობას ვუნერგავდეთ ჩვენი ქართული ზღაპრების სიყვარულს და ჩვენი, თუნდაც ისტორიული პერსონაჟების სიყვარულს, ჩვენ სამწუხაროდ გამოვდივართ და ამ ყველაფერს ვაკნინებთ, რაც ძალიან ცუდია.

მაინტერესებს, რას გეგმავთ განათლების სისტემაში, ვინაიდან პრეზიდენტმა 2017 წელი განათლების წლად გამოაცხადა. ეროვნული ღირებულებები იქნება თუ არა შენარჩუნებული განათლების ქართულ სისტემაში, რა იქნება თქვენი პრიორიტეტი? დღეს არის უმძიმესი ვითარება, ახალი თაობა ვეღარ არკვევს ვინ იყო ვახტანგ გორგასალი, დავით აღმაშენებელი, სკოლის მოსწავლეებს არ სჯერათ, რომ არსებობდა ცოტნე დადიანი. ჩვენ ჩავატარეთ გამოკითხვა და ამან კატასტროფული შედეგები გვაჩვენა. გამოკითხვის შედეგად გაირკვა, რომ გამოკითხულთა უმრავლესობა შოთა რუსთაველს საქართველოს მეფედ თვლის.

მთავარი მიმართულება უნდა იყოს არა დაცინვა და გაქილიკება, ჩვენი ეროვნული ფასეულობების, არამედ მათი წარმოჩენა", - აღნიშნა პარლამენტის ვიცე-სპიკერმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი