ფინანსთა სამინისტროში მებაჟე ოფიცრების დაჯილდოების ცერემონია გაიმართა.

მინისტრმა ნოდარ ხადურმა მადლობის სიგელებით დააჯილდოვა შემოსავლების სამსახურის საბაჟო დეპარტამენტის ის თანამშრომლები, რომლებმაც  სამსახურებრივი მოვალეობის შესრულებისას მაღალი პროფესიონალიზმითა და პასუხისმგებლობით გამოიჩინეს თავი და 24 იანვარს,  „ნინოწმინდის“ საბაჟო-გამშვებ პუნქტზე 6 კილოგრამზე მეტი ნარკოტიკული ნივთიერება კოკაინის შემოტანის ფაქტი აღკვეთეს.

მადლობის სიგელები გადაეცათ საბაჟო-გამშვები პუნქტის მებაჟე ოფიცერს ანა ასლანოვას, რომელმაც უშუალოდ აღმოაჩინა ნარკოტიკული ნივთიერება, ასევე, ცვლის უფროსს მიხეილ ზაზაშვილს, უფროს ფიტოსანიტარს ჰაირაპეტ თუმასიანს და უფროსს გიორგი ჩერქეზიას.

მებაჟე ოფიცრებს დამსახურებული ჯილდო მიულოცა და თავიანთ საქმიანობაში მომავალშიც წარმატებები უსურვა  ფინანსთა მინისტრის პირველმა მოადგილემ, შემოსავლების სამსახურის უფროსმა გიორგი თაბუაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი