საკრებულოს ფრაქცია "ქართული ოცნება" დავით ნარმანიას მიწვევას აპრილში გეგმავს.  ამის შესახებ აღნიშნული ფრაქციის თავმჯდომარე რიმა ბერაძემ ჟურნალისტებს განუცხადა.
მისივე თქმით, საკრებულოში მერიის მიერ გაწეული მუშაობის ანგარიში თვის ბოლოს იქნება წარმოდგენილი. აქედან გამომდინარე, ბერაძეს  ინფორმაციით, საკრებულოს ფრაქცია "ქართულ ოცნებას" მიზანშეწონილად არ მიაჩნია, რომ დედაქალაქის მერი აპრილის დასაწყისამდე მიიწვიონ.
"ჩვე უკვე თბილისის მერიის რამდენიმე საქალაქო სამსახურის ანგარიში მოვისმინეთ. ხვალ კი, კეთილმოწყობის სამსახურის ანგარიშს მოვისმენთ. გადაწყვეტილება გვაქვს, რომ 25 მარტამდე ყველა საქალაქო სამსახურს მოვუსმინოთ, ხოლო შემდგე ამ ანგარიშების მოსმენა მოხდება კომისიურად. აპრილის დასაწყისში კი, ფრაქციას დაგეგმილი აქვს,  რომ დავით ნარმანია მოვიწვიოთ და სრულყოფილად იყოს წარმოდგენილი მერიის მიერ გაწეული მუშაობა. მანამდე კი, მიზანშეწონილად არ მიგვაჩნია,  დავით ნარმანია კიდევ იქნას მოწვეული",-აღნიშნა ბერაძემ.
ცნობისთვის, საკრებულოს დამოუკიდებელი დეპუტატი ალეკო ელისაშვილი ინიციატივით გამოვიდა, რომ დავით ნარმანია საკრებულოს რიგგარეშე სხდომაზე მიმდინარე კვირას მიიწვიონ, რისთვისაც პროცედურულად,  13 დეპუტატის მხარდაჭერაა საჭირო. საკრებულოში ამ ეტაპზე 10 დეპუტატის ხელმოწერაა  საჭირო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს