სასჯელაღსრულებისა და პრობაციის მინისტრის შეფასებით,  სასჯელაღსრულების დეპარტამენტი 70–იანი წლების რეგულაციებით ხელმძღვანელობდა.

სასჯელაღსრულების სიტემაში მიმდინარე რეფორმებით კი, მინისტრის თქმით, უწყება ევროპულ სტანდარტებზე გადადის.

„სასჯელაღსრულების დეპარტამენტი მინდა გითხრათ, რომ ჩემ უშუალო დაქვემდებარებაშია, და უშუალოდ მე ვარ მისი კურატორი, 100%–იან ინფორმაციას ვფლობ და თანამშრომლობის რეჟიმში ვართ სასჯელაღსრულების დეპარტამენტთან. ერთ მარტივ მაგალითს მოგიყვანთ, ჩემი დანიშვნის შემდეგ დაახლოებით ხელმძღვანელობის 95% , როგორც სასჯელაღსრულების დეპარტამენტის , ისე დაწესებულებებში შევცვალე. მიზეზი კი იყო ის, რომ დღემდე, 60–70–იან წლებში დაწერილი, გაურკვეველი რეგულაციებით ხელმძღვანელობდნენ. სასჯელაღსრულების დეპარტამენტი, იყო მოძველებული სისტემა, რომელიც კრიტიკას ვერ უძლებდა.  დეტალურმა ანალიზმა ცხადყო, რომ სისტემას ნამდვილად სჭირდებოდა შველა და ჩვენ, თანამედროვე, ევროპულ სტანდარტებზე გადავდივართ ამ რეფორმის შემდეგ“, – აღნიშნა მღებრიშვილმა „იმედის“ ეთერში.  

ცნობისთვის, „პატიმრობის კოდექსში“ ცვლილებები შედის, რომლის თანახმადაც სასჯელაღსრულების დეპარტამენტი პენიტენციურ დეპარტამენტად გადაკეთდება. 
აღნიშნულ კანონპროექტს პარლამენტი დღეს დაამტკიცებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი