„შეცდომა მაშინ იქნა დაშვებული, როდესაც  სერიოზულად არ იქნა აღქმული ის თუ  რამდენად ძლიერია რუსეთის იმპერიალისტური ამბიციები“,-ამის შესახებ საქართველოს პარლამენტის თავმჯდომარემ  დავით უსუფაშვილმა  ატლანტიკურ საბჭოში სიტყვით გამოსვლისას განაცხადა.

უსუფაშვილის თქმით,  საქართველომ ხელიდან გაუშვა შესაძლებლობა, რომ დასავლური თავდაცვის, უსაფრთხოების და ეკონომიკური ალიანსის ძლიერი წევრი ყოფილიყო.

„შეცდომა მაშინ იქნა დაშვებული, როდესაც  სერიოზულად არ იქნა აღქმული ის თუ  რამდენად ძლიერია რუსეთის იმპერიალისტური ამბიციები. სამწუხაროდ,   ეს იყო შეცდომა. რის საფუძველზე ვამბობ?  ამას  საქართველოს მაგალითზე ვამბობ. მჯერა, რომ  იყო რამდენიმე ხელიდან გაშვებული შესაძლებლობა, რომ ეს ქვეყანა დასავლური თავდაცვის,  უსაფრთხოებისა და ეკონომიკური ალიანსის უფრო ძლიერ შემადგენელ ნაწილად  გვექცია.  მჯერა, რომ ევროკავშირმა ძალიან ნელა გააცნობიერა, რომ აღმოსავლეთ ევროპა ევროპული   უსაფრთხოებისა და კეთილდღობის  განუყოფელი ნაწილია. ალბათ,  იგივე მოხდა ნატოს გაფართოების შემთხვევაშიც.  როდესაც საქართველომ ყველაფერი გააკეთა, რომ დაეკმაყოფილებინა ყველა სტანდარტი  და მოთხოვნა, რომელიც ნატოს აქვს  თავისი წევრობის მსურველთათვის, ხანდახან ჩვენ საჭიროზე მეტსაც კი ვაკეთებდით, რაც შესაძლებელი იყო პატარა პოსტსაბჭოური  საზოგადოებისთვის, რომელიც მუდმივი ზეწოლის ქვეშ არის  ყველა შესაძლებელი მხრიდან.  დიახ,  ჩვენ  მივდიოდით წინ და განვიცდიდით  პროგრესს, მაგრამ სამწუხაროდ  ეს არ იყო საკმარისი.   სხვა მიზეზები იყო,  რის გამოც  პროცესი საკმარისად სწრაფი ვერ განბვითარდა“,-განაცხადა დავით უსუფაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი