საბერძნეთში სამდღიანი საყოველთაო გაფიცვა დაიწყო, - ამის შესახებ Reuters იუწყება.

მედიის ინფორმაციით, აქციის მონაწილეები მთავრობის ეკონომიის ზომებს აპროტესტებენ. საერთაშორისო კრედიტორების  - ევროკავშირისა და საერთაშორისო სავალუტო ფონდის მიერ კრედიტის  გამოყოფის სანაცვლოდ, ქვეყანაში საპენსიო და საგადასახადო რეფორმები უნდა განხორციელდეს. კერძოდ, იგეგმება პენსიის დარიცხვის სისტემის გადახედვა და გადასახადების გაზრდა.

საერთაშორისო კრედიტორები უკმაყოფილოები არიან საბერძნეთის რეფორმების ტემპებით, რის გამოც მოლაპარაკებები ათენთან ჩიხში შევიდა და ქვეყანამ 5 მილიარდი ევროს ოდენობის მორიგი ტრანში ვერ მიიღო.

მედია საშუალების ინფორმაციით, 6 მაისს საყოველთაო გაფიცვის ფარგლებში ათენში საზოგადოებრივმა ტრანსპორტმა მუშაობა შეაჩერა. დედაქალაქის მეტროს, ტრამვაისა და ავტობუსის დეპოს, სარკინიგზო კომპანიების თანამშრომლებმა მოვალეობის შესრულებაზე უარი თქვეს.

მთელი ქვეყნის ფარგლებში შეწყვეტილია სარკინიგზი მიმოსვლა, კუნძულებთან დამაკავშირებელი ხომალდები და ბორნები პორტებიდან არ გავიდა.

განრიგის მიხედვით ხორციელდება რეისები. საბერძნეთის აეროპორტის თანამშრომლებმა საკუთარი გაფიცვა აპრილში გამართეს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი