თურქეთის სასამართლომ გამოცემა Cumhuriyet-ის მთავარი რედაქტორი ჯან დიუნდარი სახელმწიფო საიდუმლოების გამჟღავნებაში დამნაშავედ ცნო, - ამის შესახებ ადგილობრივი მედია იუწყება.

მედია საშუალების ინფორმაციით, მას 5 წლითა და 10 თვით თავისუფლების აღკვეთა მიესაჯა. ასევე დამნაშავედ ცნეს დიუნდარის კოლეგა ერდემ გიული, რომელსაც სასამართლომ 5 წლით თავისუფლების აღკვეთა მიუსაჯა.

სტამბოლში სასამართლო პროცესის დაწყებამდე დიუნდარს შეიარაღებულმა მამაკაცმა ცეცხლი გაუხსნა. მსჯავრდებული არ დაშავებულა, თუმცა ფეხში ჭრილობა მიიღო ჟურნალისტმა, რომელიც პროცესს აშუქებდა. ინციდენტის შემდეგ თავდამსხმელი დააკავეს.

ცნობისთვის, ჯან დიუნდარი და ერდემ გიული 24 ნოემბერს დააკავეს. ჟურნალისტებს ჯაშუშობაში, სახელმწიფო საიდუმლოების გამჟღავნებასა და ტერორისტული დაჯგუფების წევრობაში ადანაშაულებდნენ. დიუნდარისა და გიულის წინააღმდეგ სარჩელი სასამართლოში პირადად პრეზიდენტმა რეჯეპ ტაიპ ერდოღანმა შეიტანა.

ჟურნალისტები მას შემდეგ დააკავეს, რაც გაზეთ Cumhuriyet-ში 2015 წლის მაისში გამოქვეყნდა 2014 წელს გადაღებული ვიდეო და ფოტოები, რომლებიც თითქოს ამტკიცებს, რომ თურქეთი სირიაში მოქმედ ტერორისტულ დაჯგუფებას იარაღს აწვდის. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი