ისრაელის ავიაციამ ღაზას სექტორში “ჰამასის” პოზიციებზე ავიადარტყმები განახრციელა, - ამის შესახებ BBC იუწყება.

შეიარაღებული ძალების განცხადებით, ისრაელის ტერიტორიის მისამართით ნაღმტყორცნებიდან ცეცხლის გახსნის სანაცვლოდ მოძრაობა “ჰამასის” ოთხი პოზიცია დაიბომბა.

როგორც მედია წერს, პალესტინური მხარის ინფორმაციით, ავიაიერიშის შედეგად დაშავდა რამდენიმე ბავშვი და ერთი ქალი დაიღუპა, რომლის სახლსაც ჭურვი დაეცა.

ცნობისთვის, ისრაელის არმიამ განაცხადა, რომ ბოლო ორი თვის განმავლობაში  “ჰამასის” უკვე მეორე გვირაბი აღმოაჩინა, რომელიც ბლოკადაში მყოფ ღაზას სექტორს ისრაელთან აკავშირებს.

ღაზას სექტორში ამჟამინდელი სამხედრო მოქმედებები ყველაზე მასშტაბურია 2014 წელს კონფლიქის დაწყებიდან.

შეგახსენებთ, რომ 2007 წლიდან ისრაელსა და “ჰამასს” შორის შეიარაღებული კონფლიქტი სამჯერ გაჩაღდა. 2014 წლის ზაფხულში მომხდარი შეტაკებების შედეგად დაიღუპა 2200-ზე მეტი პალესტინელი და ისრაელის 70 მოქალაქე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი