რუსეთის პატრიარქის კირილეს Telegram გვერდზე გამოქვეყნდა ინფორმაცია იმის შესახებ, რომ მოსკოვის ეპარქიაში ახალი კორონავირუსის 8 შემთხვევა დაფიქსირდა. სოც. ქსელში გვერდი საგანგებოდ რუსეთის საპატრიარქოს მიერ COVID-19 ბრძოლასთან დაკავშირებით, მრევლის ინფორმირების გეგმის ფარგლებში შეიქმნა.
8 მღვდლის გარდა, კორონავირუსის სიმპტომები კიდევ სამს აღენიშნება, თუმცა მათი ანალიზების საბოლოო პასუხებს ელოდებიან. 
მარინო, ტაგანსკი, ალექსეევსკი, კრილატსკოე, ბასმანიი და მეტროგოროდოკი - ეს დედაქალაქის ის რაიონებია, სადაც დაინფიცირებული ხვთისმსახურები საქმიანობდნენ. 
"ამ რაიონებში არსებული ტაძრების მრევლს მოვუწოდებთ განსაკუთრებული ყურადღება მიაქციონ საკუთარ ჯანმრთელობას. გთხოვთ აღავლინოთ თქვენი ლოცვები ავადმყოფი კლირიკების და ყველა ამ სენით შეპყრობილთა განსაკურნებლად" - წერია Telegram გვერდზე.
9 აპრილის მონაცემებით, რუსეთის მასშტაბით კორონავირუსი 10 000 ათას ადამიანზე მეტს დაუდგინდა. მათი უმრავლესობა მოსკოვშია კონცენტრირებული (6,7 ათასი) . დაღუპულია 38 მოქალაქე, მაგრამ საერთაშორისო მედიკოსები ვარაუდობენ, რომ რუსეთი ინფიცირებულთა რეალურ რიცხვს მალავს.

ავტორი: გიორგი ბაზაევი, ექსპრესნიუსის რეპორტიორი 2010 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო