საქართველოს თავდაცვის ძალების საზოგადოებასთან ურთიერთობის ოფიცრებმა გერმანელი ინსტრუქტორების დახმარებით სპეციალური კურსი გაიარეს. საზოგადოებასთან ურთიერთობის  კურსის პირველი ეტაპი ორი კვირის განმავლობაში საჩხერეში, პოლკოვნიკ ბესიკ ქუთათელაძის სახელობის სამთო მომზადების სკოლაში მიმდინარეობდა. აღნიშნულ ინფორმაციას თავდაცვის სამინისტრო ავრცელებს.

უწყების ცნობით, გერმანიის ფედერაციული რესპუბლიკის ბუნდესვერის საზოგადოებასთან ურთიერთობის ცენტრის ინსტრუქტორებმა მსმენელებს თანამედროვე საინფორმაციო გარემო,  კომუნიკაციების სფეროში არსებული  დოქტრინები, დირექტივები, თანამედროვე გამოწვევები და ეთიკის წესები გააცნეს. 

ტრენინგის ფარგლებში მონაწილეებმა საზოგადოებასა და მასმედიასთან  ეფექტური კომუნიკაციისთვის საჭირო უნარ-ჩვევები გაიღრმავეს. 

თეორიული ნაწილის გარდა, ტრენინგი პრაქტიკულ სავარჯიშოებსაც მოიცავდა, სადაც მონაწილეებს სხვადასხვა  განხილულ  თემაზე, მათ შორის,  კრიზისული  სიტუაციის  კონტექსტში შემუშავებული სტრატეგიისა და კომუნიკაციის სპეციფიკის შესახებ მომზადებული პრეზენტაციების  წარდგენის საშუალება ჰქონდათ. სასწავლო პროგრამა ინტერვიუს, პრესრელიზისა და პრესკონფერენციის მომზადებასაც ითვალისწინებდა. 

საქართველოს თავდაცვის სამინისტროსა და თავდაცვის ძალების საზოგადოებასთან ურთიერთობის წარმომადგენლებისთვის მსგავსი კურსები რეგულარულად ტარდება. ორმხრივი თანამშრომლობის ფარგლებში ქართველ საზოგადოებასთან ურთიერთობის ოფიცრებს  ტრენინგებს პარტნიორი ქვეყნებიდან გამოცდილი   სპეციალისტები უტარებენ.

ავტორი: NS (სტატია დაფინანსებულია),

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი