რუსეთის პრეზიდენტი ვლადიმერ პუტინი და რუსული ელიტა მეორე მსოფლიო ომის ნაცისტების კოპირებას ახდენენ და ნაცისტურ გერმანიაზე გამარჯვების ხსოვნას თავიანთი ქმედებებით უზურპირებენ. - ამის შესახებ, 
დიდი ბრიტანეთის თავდაცვის მინისტრმა ბენ უოლესმა 9 მაისს მიძღვნილ სიტყვაში თქვა.

„უკრაინაში შეჭრით პუტინი, მისი ახლო წრე და მისი გენერლები კოპირებენ 70-წლიან ფაშიზმს და ფაშისტების ტირანიას, იმეორებენ გასული საუკუნის ტოტალიტარული რეჟიმების შეცდომებს“, - თქვა უოლასმა ლონდონში გამოსვლაში აღლუმის დაწყებამდე ცოტა ხნით ადრე. 

„მათი არაპროვოცირებული და უკანონო შეჭრა უკრაინაში, თავდასხმები უდანაშაულო მოქალაქეებზე და მათ სახლებზე, მასიური სისასტიკე, მათ შორის ქალებისა და ბავშვების მიმართ მიზანმიმართული სისასტიკე - ეს ყველაფერი ანადგურებს მსხვერპლთა ხსოვნას და იმ რეპუტაციას, რომელიც ოდესღაც რუსეთს ჰქონდა მსოფლიოში“, - განაცხადა მინისტრმა. 
შოტლანდიის გვარდიის ყოფილი კაპიტნის, უოლასის თქმით, პროფესიონალი ჯარისკაცები შეშინებულნი არიან რუსული არმიის ქცევით, რომელიც გამუდმებით ბომბავს მშვიდობიან მოსახლეობას და ამავდროულად ვერ აღწევს დასახულ მიზნებს.

„ისინი არა მხოლოდ ყველა ნორმის დარღვევით შეიჭრნენ და ჩაიდინეს ომის დანაშაულები, არამედ მათმა ბრძანებამ ჯარისკაცები ისე დააგდეს, რომ მათ სამხედრო სასამართლოში გამოყვანა სჭირდებათ“, - თქვა ბენ უოლესმა.

ავტორი: ექსპრესნიუსი,

სოციალური ქსელები

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული