|
2015-04-16 13:21:57, 2806 ნახვა
კულტურა
"ბავშვი №44"-ის პრემიერა რუსეთის შემდეგ საქართველოშიც არ გაიმართება
რუსეთის შემდეგ ამერიკული კინოფილმის "ბავშვი №44" პრემიერა საქართველოშიც არ გაიმართება. საქართველოს კინოთეატრებში ფილმის პრემიერა 16 აპრილს იყო დაგეგმილი. თუმცა კინოთეატრების ადმინისტრაციის „ფეისბუქის“ ოფიციალურ გვერდზე გამოქვეყნებულ განცხადებაში ნათქვამია, რომ ფილმის პრემიერა ჯერჯერობით არც საქართველოში შედგება. „სამწუხაროდ გაცნობებთ, რომ ჩვენი რეგიონის ქვეყნებში ფილმის "ბავშვი №44" პრემიერა ხვალ არ შედგება. რელიზი გადაიდო შემოდგომამდე“, - ნათქვამია განცხადებაში. კინოთეატრების ადმინისტრაციაში "ექსპრესნიუსს" განუცხადეს, რომ ფილმის პრემიერა ბევრ ქვეყანაში გადაიდო და ერთ-ერთი მათგანი საქართველოა. ადმინისტრაციაში ამ ეტაპზე ვერ განმარტავენ, კონკრეტულად რას უკავშირდება პრემიერის გაუქმება. ამის შესახებ ინფორმაცია სავარაუდოდ მოგვიანებით გავრცელდება. რუსეთში კი ჰოლივუდური ფილმის ჩვენება პრემიერამდე ერთი დღით ადრე აიკრძალა. ფედერაციის კულტურის სამინისტროს განცხადებით, ფილმში აღწერილი მოვლენები ისტორიულ ფაქტებს ამახინჯებს, ასევე საბჭოთა კავშირის რუსეთის მოქალაქეების სახეებს, რის გამოც გადაწყდა, ფილმი არ ეჩვენებინათ. რუსეთის კულტურის მინისტრის განცხადებით, მსგავსი სურათები რუსეთის კინოთეატრებში გამარჯვების 70-წლის თავის აღნიშვნის წინ არ უნდა გადიოდეს. ფილმში "ბავშვი №44" მოქმედება საბჭოთა კავშირის რუსეთის პერიოდში ვითარდება. მთავარ როლს მსახიობი ტომ ჰარდი ასრულებს. ის გამომძიებლის როლს თამაშობს, რომელიც სერიული მანიაკისა და მოკლული ბავშვების საქმეს იძიებს. ფილმი მწერალ ტომ რობ სმიტის დეტექტიური ნაწარმოების მიხედვითაა გადაღებული. "ბავშვი №44" -ის მსოფლიო პრემიერა 17 აპრილსაა დაგეგმილი.
სადიგოვის აზერბაიჯანში გაძევება არის ადამიანის უფლებათა ევროპული კონვენციის დარღვევა - საია
პროდუქტების ჩამონათვალი რომელიც პატიმრების ახლობლებს შეუძლიათ ციხეებში სააღდგომოდ შეიტანონ
Global Finance-მა საქართველოს ბანკი საუკეთესო ბანკად დაასახელა საქართველოში
დააკავეს არასრულწლოვანი, რომელმაც 32 წლის კაცს დანით მრავლობით ჭრილობები მიაყენა და ადგილიდან მიიმალა
|
რედაქტორის რჩევით
ივანიშვილთან ერთად ვინ აფინანსებს ტელეიმედს და ვის ემუქრება მეორადი სანქციები
რეჟიმის წარმომადგენლები ხოშტარიას შვილებს ესხმიან თავს
ომი უკრაინაში
აზოვის ზღვაში უკრაინელებმა ხორბლის გადამზიდავი ჩაიძირეს
რუსეთის მიერ ოდესის დაბომბვის შედეგად დაიჭრა 11 ადამიანი, მათ შორის ერთი ბავშვი
ვიდეო/LIVE პატრიარქის ილია მეორის დაკრძალვა - პირდაპირი
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



epn.ge (@expressnews.ge)