გუშინ კალათბურთში უკრაინის ნაკრების ლატვიელი მწვრთნელი აინარს ბაგაცკისის ჟესტმა ნამდვილი ანტიუკრაინული კამპანია გამოიწვია, ძირითადად ხელისუფლების მომხრეები, უკრაინას აუგად მოიხსენებდნენ. საზოგადოებრივი მაუწყებლის სოციალურ გვერდზე მრავალი დამამცირებელი კომენტარები დაგროვდა. ყველა კომენტარი უკრაინის წინააღმდეგ იქნა მიმართული. პოსტივის სოციალური ქსელის გვერდზე, კი უკრაინის მიმართ შეურაცმყოფელი განცხადებების სერია წავიდა. ამ ანტიუკრაინულ ისტერიას ჟურნალისტი მერაბ მეტრეველი გამოეხმაურა.

"ესე იგი, ჩვენი ხელისუფლების უბრალო მოხმრეებს, თუ ბრალიან პროპაგანდისტებს ერთი სული აქვთ უკრაინას რამე შეეშალოს, ფეხი წაუცდეს, რომ გალანძღონ და აგინონ. ასე რამ შეგაძულათ ეს ქვეყანა?
გასაგებია, რომ უკრაინის საკალთბურთო ნაკრების  მწვრთნელი (რომელიც უკრაინელი სულაც არაა) უზრდელი  აღმოჩნდა. მერე?
ამის გამო მთელი ერის და ქვეყნის მიმართ უნდა აფრქვიოთ აგრესია და ატრიოალოთ ეს მაბავი, რომ რაც შეიძლება მეტ ხალხს შეაძულოთ ეს ქვეყანა? უკვე ერთი წამითაც არ მეპარება ეჭვი, რომ სინამდვილეში ამ ომში უკრინაის წაგებას გულშემატკიბრობთ, რომ მერე ნიშნი მოუგოთ." - წერს მერაბ მეტრეველი. 
ანტიუკრაინულ კამპანიას გამოეხმაურა აქტივისტი და ჟურნალისტი ლიკა ბასილაია-შავგულიძეც.
"რაშისტებს ვალპურგის ღამე ჰქონდათ მოწყობილი - ღმერთი მოგკითხავთ ომში მყოფი ქვეყნის ასე დაჩაგვრას, რაშისტების გვერდით დგომას, იცით სინამდვილეში რა მოხდა, არაფერშუაში რომ არ იყო არც უკრაინა არც მისი კალათბურთელები!   მოგეცათ არა მომენტი სატანისტი რუსებისთვის ერთგულების დასამტკიცებლად?! ვისაც ხელი მიგიწვდებათ, ახსენით რა მოხდა სინამდვილეში, არ დაგეზაროთ!" - დაწერა ჟურნალისტმა.
მედიასაშუალებებს დააკისრა პასუხისმგებლობა ბიზნესმენმა თამაზ ელიზბარაშვილმა.

"ვინც კი მუშაობთ POSTV - ანალიტიკა - ზე კონკრეტულად, ხართ განურჩევლად ნაბიჭვრები, სამ ოთახიან ბინასა და ნისან ტიიდაზე დახამებული ნაბიჭვრები.

ესე იგი, საქართველო-უკრაინის საკალათბურთო მატჩში, რომელიც უკრაინამ მოიგო, მოხდა ასეთი ამბავი, უკრაინის ნაკრების ლ ა ტ ვ ი ე ლ ი მწვრთნელი აინარს ბაგატსკისი თამაშის დასრულების შემდგომ, უხამსი ჟესტით გამოირჩა, ნუ ამას დამატებული რომ საქართველოს ნაკრების მწვრთნელ ილიას ზუროსს ხელი არ ჩამოართვა. ეს კადრები კი გადააზიარა ქართულმა მედია-ტუალეტმა პოსტვ-მ, პროვოკაციული სათაურით, ყველანაირი ჩაზუსტებების გარეშე, მერე შეიყარა ბოტების არმია და წავიდა კომენტარებში მასობრივი ანტი-უკრაინული პროპაგანდა - ეს "ხახოლები", "ჩვენი მოძმე ერი ესენი არ არიან!" და ა.შ. ცხადია, არაინფორმირებულ ადამიანს დააბნევს ვითარება თავად და ვინც კალათბურთში და განსაკუთრებით სანაკრებოში არ არის ჩახედული, ვერ ეცოდინებათ ბაგატსკისის ეროვნება და არც ის ეცოდინებათ რომ თავად ტიპაჟია სკანდალისტი და ა.შ. კალათბურთელებს შორის, რომლებიც მართლა წარმოადგენენ საქართველოს და უკრაინას, არანაირი დაპირისპირება არ მომხდარა, პირიქით, საკმაოდ თბილადაც დაემშვიდობნენ ერთმანეთს. რასაც ეგ ტელევიზია აკეთებს არის შუღლის ხელოვნურად გაღვივება, დამახინჯებული ისტორიის მეშვეობით, თან პოლიტიკური ანალიტიკის გვერდზე, როდესაც სუფთა სპორტული ამბავია, თან სპორტული კონტენტი გაქვთ ცალკე, იქ რომ დაგედოთ, სწორი სათაურით არ მოისურვეთ და რატომ? - იმიტომ რომ ხართ ამაზრზენები, ჰოდა, სანამ პოლიტიკური ანალიტიკის ფეიჯიდან არ გააქრობთ მაგ ვიდეოს და სათაურს, მანამდე არ დავიღლები თქვენი ლანძღვით.

ვულოცავ უკრაინას გამარჯვებას და ბაგაცკისი ჩვეულებრივი იდიოტია, მეტი რაღა ვთქვა." - დაწერა თამაზ ელიზბარაშვილმა.

საქართველოს კალათბურთელთა ნაკრები მსოფლიო ჩემპიონატის შესარჩევ ეტაპზე უკრაინას ლატვიაში დაუპირისპირდა. მატჩი უკრაინელების გამარჯვებით, 79:66 დასრულდა.

საფინალო სირენის შემდეგ ინციდენტი მოხდა – მეტოქის ლატვიელი მწვრთნელი აინარს ბაგაცკისი საქართველოს სათადარიგოთა სკამისკენ გაემართა, თუმცა მოულოდნელად შეტრიალდა და ჩვენი გუნდის მისამართით უხამსი ჟესტით ქართველი კალათბურთელების გაღიზიანება გამოიწვია.

მატჩის შემდგომ პრესკონფერენციაზე მწვრთნელებმა ამ ინციდენტზე არ ისაუბრეს.

ავტორი: ექსპრესნიუსი,

სოციალური ქსელები

ევროკომისია აპირებს, უნგრეთისგან კრემლისთვის ინფორმაციის გაჟონვის შესახებ ახსნა-განმარტება მოითხოვოს

ჩინეთი აშშ-სა და ირანს შორის ცეცხლის შეწყვეტის გარანტორის როლს ასრულებდა

ტრამპმა ევროპას ულტიმატუმი წაუყენა, რომ ჰორმუზის სრუტეში ჯარები გააგზავნონ

წლის საუკეთესო რისკებისა და შესაბამისობის პროექტი - თიბისი CyberSecurity Excellence Awards-ის გამარჯვებულია