ირაკლი კოვზანაძე 5-6 ივლისის მოლენებზე - რომელი ტურისტი ჩამოვა ქვეყანაში, თუ აქ მათ სცემენ?

2021-07-15 15:01:28, 803 ნახვა

კომენტარი

რომელი უცხოელი ინვესტორი ჩადებს ქვეყანაში ფულს, სადაც სიცოცხლის რისკები იქმნება?!, რომელიც ტურისტი ჩამოვა ქვეყანაში, სადაც სცემენ?! - ასე ეხმაურება საფინანსო-საბიუჯეტო კომიტეტის თავმჯდომარე, ირაკლი კოვზანაძე, 5-6 ილისს განვითარებულ ძალადობრივ მოვლენებს.

როგორც ირაკლი კოვზანაძე აღნიშნავს, მომხდარი მოვლენები ქვეყნის ტურისტულ იმიჯზე უარყოფითად აისახება, რაგან მისივე თქმით, დაიწყო ტურისტული და სასტუმრო ჯავშვნების გაუქმება.

„მე ვფიქრობ, რომ {5-6 ივლისს] განვითარებული მოვლენები არ არის მხოლოდ პოლიტიკური, რომ ამ საკითხს ახლავს ეკონომიკური მდგენელიც. თქვენ იცით, რომ ქვეყანა გადის რთულ პერიოდს, ეკონომიკამ დაიწყო აღდგენა და სწრაფი ზრდა, ასეთ ვითარებაში, ვფიქრობ, რომ უნდა მოვუფრთხილდეთ ჩვენს საინვესტიციო გარემოს. ამ მოვლენების შემდეგ დაიწყო ტურისტული და სასტუმრო ჯავშნების გაუქმება. რომელი უცხოელი ჩადებს ქვეყანაში ფულს, სადაც სიცოცხლი რისკები იქმნება. რომელი უცხოელი ჩამოვა, თუ აქ უცხოელებს სცემენ, რომელ ბიზნესკონტრაქტებზე შეიძლება საუბარი, თუ სტაბილურობისა და დაცულობის განცა არ იქნება“, - განაცხადა ირაკლი კოვზანაძემ.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან