2015-07-28 20:00:32, 734 ნახვა
ეკონომიკა
ავიაკომპანია „Ellinair“ საქართველოში ფრენის სიხშირეს ზრდის
საქართველოს ეკონომიკისა და მდგრადი განვითარების სამინისტროს სსიპ სამოქალაქო ავიაციის სააგენტომ ნებართვა გასცა საბერძნეთის ავიაკომპანიაზე „Ellinair“ ფრენის სიხშირის გაზრდის შესახებ.
ამის შესახებ "ექსპრესნიუსს" ეკონომიკისა და მდგრადი განვითარების სააგენტოდან აცნობეს.
ავიაკომპანია Ellinair რეგულარულ რეისებს თბილისსა და სალონიკს 2015 წლიდან ახორციელებს. ახალი ნებართვის თანახმად, ავიაკომპანია გაზრდის რეისების რაოდენობას და 2015 წლის 6 აგვისტოდან 1 ოქტომბრამდე ფრენებს შეასრულებს კვირაში 2 სიხშირით, ნაცვლად 1 სიხშირისა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
