კიბერუსაფრთხოებაზე პასუხისმგებელ იაპონელ მინისტრს კომპიუტერით არასდროს უსარგებლია

2018-11-16 12:06:57, 4080 ნახვა

სხვადასხვა

კიბერუსაფრთხოებაზე პასუხისმგებელმა 68 წლის იაპონელმა მინისტრმა იოსიტაკა საკურადამ აღიარა, რომ კომპიუტერით არასდროს უსარგებლია, - ამის შესახებ Kyodo News იუწყება.

შესაბბამისი განცხადება სახელმწიფო მინისტრმა იაპონელ დეპუტატებთან შეხვედრის დროს განაცხადა. მინისტრის მტკიცებით, ის საკუთარ თანამშრომლებსა და მდივნებს 25 წლის ასაკიდან მხოლოდ განკარგულებებს აძლევს.

"ცხოვრებაში არასდროს მისარგებლია კომპიუტერით", - აღნიშნა მან.

ერთ-ერთი დეპუტატი დაინტერესდა გამოიყენება თუ არა იაპონურ ატომურ ელექტროსადგურებზე USB-ფლეშკები, თუმცა საკურადამ კითხვას ვერ უპასუხა და განაცხადა, რომ ამაზე პასუხი სპეციალისტებმა უნდა გასცენ.

პოლიტიკოსებმა მინისტრი აღნიშნულის გამო გააკრიტიკეს და აღნიშნეს, ის თანამდებობისთვის შეუფერებელი პირია.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები