საქართველოს იუსტიციის სამინისტროს სსიპ „დანაშაულის პრევენციის ცენტრს“  ყოფილ პატიმართა რეაბილიტაციის პროგრამის გასაცნობად გერმანელი ექსპერტები ეწვივნენ.

„დანაშაულის პრევენციის ცენტრის“ ინფორმაციით, ვიზიტის მიზანია ყოფილ პატიმართა რეაბილიტაციისა და რესოციალიზაციის პროგრამის გაცნობა,  აქტუალური საკითხების მიმოხილვა, სამომავლო თანამშრომლობის დაგეგმვა.

დანაშაულის პრევენციის ცენტრის დირექტორმა ჯონი კვინიკაძემ ბრემენის სასჯელაღსრულების განყოფილების გამგეს თორბენ ადამსსა და ოლდენბურგის უმაღლესი ინსტანციის სასამართლოს მოსამართლეს, კოლეგიის თავმჯდომარეს შთეფან ფონ დერ ბექს  ყოფილ პატიმართა რეაბილიტაციის შედეგები, არსებული პრობლემები და გამოწვევები გააცნო.

„ჩვენთვის ძალიან მნიშვნელოვანია ყოფილ პატიმართა რეაბილიტაციის პროცესში ევროპული გამოცდილების გაზიარება და ამ მიმართულებით  თანამშრომლობის ქმედითი პერსპექტივებიც. დანაშაულის პრევენციის ცენტრში მიმდინარე პროგრამა ავსტრიულ მოდელთან დაახლოებულია, თუმცა საინტერესოა სხვა ქვეყნების მაგალითებიც“, - განაცხადა ჯონი კვინიკაძემ და სტუმრებსა და ვიზიტის ორგანიზატორებს ცენტრის საქმიანობის დაინტერესებისთვის მადლობა გადაუხადა.

შეხვედრას ყოფილ პატიმართა რეაბილიტაციისა და რესოციალიზაციის სამმართველოს წარმომადგენლებიც დაესწრნენ. გერმანელმა ექსპერტებმა ქართულ მხარეს საკუთარი გამოცდილება გაუზიარეს და სამომავლო თანამშრომლობის დაგეგმვაზე შეთანხმდნენ.

ვიზიტის ორგანიზატორია  საერთაშორისო სამართლებრივი თანამშრომლობის გერმანული ფონდი. ვიზიტი გერმანიისა და საქართველოს იუსტიციის სამინისტროებს შორის 2014 წლის დეკემბერში ხელმოწერილი თანამშრომლობის დეკლარაციის ფარგლებში დაიგეგმა.

საქართველოს იუსტიციის სამინისტროს სსიპ „დანაშაულის პრევენციის ცენტრი“  „ყოფილ პატიმართა რეაბილიტაციისა და რესოციალიზაციის პროგრამას“ ახორციელებს. ეს არის პირველი სახელმწიფო პროგრამა, რომელიც ყოფილი პატიმრების საზოგადოებაში სრულუფლებიან რესოციალიზაციას ითვალისწინებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბულგარეთის ყოფილი პრეზიდენტი რუმენ რადევი საპარლამენტო არჩევნებში ლიდერობს

ჰორმუზის სრუტეში აშშ-მ ირანის კუთვნილი ტანკერი დააკავა, ირანმა სამხედრო გემებზე დრონებით თავდასხმა განახორციელა

უკრაინამ ერთ კვირაში მეორედ დაარტყა რუსეთის ერთადერთ ნავთობგადამამუშავებელ ქარხანას შავ ზღვაზე, ერთი ადამიანი დაიღუპა.

ღმერთია და ექიმი არ სჭირდებაო - ნარიმან მაქარაშვილთან, მისი თაყვანისმცემლები ექიმს არ უშვებდნენ -ვიდეო