მთიანი აჭარის ტურისტულ მარშრუტებზე გიდების გადამზადება აქტიურ ფაზაშია.

აჭარის ტურისტული პროდუქტების სააგენტოში ტრენინგებს 60 დამწყები და მოქმედი გიდი ეტაპოპრივად, მთიანი აჭარის 4 ტურისტული მარშრუტის მიმართულებით გადის. 

ამჟამად, თეორიული და პრაქტიკული კურსი ქედისა და მაჭახელას ტურისტულ მარშრუტებზე გადამზადების მსურველებს უტარდებათ. კურსი აჭარის ისტორიის, ეთნოგრაფიის, ექსკუსიათმცოდნეობისა და ჯგუფის ფსიქოლოგიის თეორიულ სწავლებას,  ასევე, ტურისტულ მარშრუტებზე პრაქტიკულ საველე გასვლებს, იქ არსებული ღირსშესანიშნაობებისa და ძირითადი სერვისების გაცნობას ითვალისწინებს. 

თითოეულ მარშრუტზე ტრენინგების საშუალო ხანგძლივობა ორი კვირაა. ტრენინგებს პროფესიონალი ისტორიკოსები, ეთნოგრაფები და ექსკურსიათმძღოლები ატარებენ. ტრენინგის მონაწილეები უზრუნველყოფილები არიან კურსის თეორიული და პრაქტიკული მასალებით. 

ჯამში, 60 ადამიანი შემდეგი ტურისტული მარშრუტების მიმართულებით გადამზადდება. 

•    მაჭახელას მარშრუტი + მაჭახელას დაცული ტერიტორია 
•    ქედის ღვინის მარშრუტი+ მერისის მარშრუტი 
•    მაღალმთიანი აჭარა _ ჩირუხის მარშრუტი , სხალთა - ხიხანის მარშრუტი, ხულო
გოდერძი - მწვანე ტბის მარშრუტი 
•    დაცული ტერიტოერიები: კინტრიში, მტირალა, ისპანი + ფრინველებზე დაკვირვება
 ( სახალვაშო- შუამთა )

მაღალმთიანი აჭარისა და დაცული ტერიტორიების ტურისტულ მარშრუტებზე გადამზადების მსურველებს ტრენინგები ივნისიდან ჩაუტარდებათ. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი