2016-04-12 10:23:34, 1169 ნახვა
მსოფლიო
თურქეთში ავტომობილის აფეთქების შედეგად 20 სამხედრო დაშავდა
თურქეთის ქალაქ ჰანიში დანაღმული ავტომობილის აფეთქების შედეგად სულ მცირე 20 სამხედრო დაშავდა, - ამის შესახებ ადგილობრივი გაზეთი Hurriet იუწყება.
მედია საშუალების ინფორმაციით, ავტომობილი, რომელშიც ასაფეთქებელი მოწყობილობა იყო განთავსებული პოლიციის ბაზას დაეჯახა.
აფეთქების შედეგად პოლიციის შენობა და ახლოსმდებარე შენობები დაზიანდა. ამ დროისთვის უცნობია არიან თუ არა გარდაცვლილები.
წინასწარი ინფორმაციით, თავდასხმა ქურთისტანის მუშათა პარტიამ განახორციელა. ქალაქი ჰანი დიარბაკირის პროვინციაში მდებარეობს, რომელიც ძირითადად ქურთებითაა დასახლებული. ცნობისთვის, ბოლო პერიოდის განმავლობაში აქ უკვე რამდენიმე შეტაკება მოხდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
