„ფაქტია, რომ იუსტიციის უმაღლესი საბჭო, სამოქალაქო საზოგადოების და ზოგადად საზოგადოების ნდობით არ სარგებლობს“,  - ამის შესახებ პრეზიდენტის საპარლამენტო მდივანმა, გიორგი კვერენჩხილაძემ ჟურნალისტებს განუცხადა.

როგორც კვერენჩიხილაძემ აღნიშნა, იუსტიციის უმაღლესი საბჭოს მიერ მიღებული გადაწყვეტილებები საზოგადოების ნდობით ვერ ისარგებლებს.

„პრეზიდენტმა თავის საპარლამენტო გამოსვლაში, სასამართლო ხელისფლებაში არსებულ პრობლემებზე და იუსტიციის საბჭოსთან დაკავშირებულ პრობლემატიკაზე დეტალურად ისაუბრა. მას, გარკვეული რეკომენდაციები და წინადადებები გააჩნია, შესაბამისად პრეზიდენტის გამოსვლა უბრალო ნათქვამად არ უნდა დარჩეს. ყველა ზომა უნდა მიიღონ იმისთვის, რათა იუსტიციის უმაღლესი საბჭოს რეფორმირება დაუყოვნებლივ განხორციელდეს. ფაქტია, რომ იუსტიციის უმაღლესი საბჭო სამოქალაქო საზოგადოების და ზოგადად საზოგადობის ნდობით არ სარგებლობს. შესაბამისად, მათ მიერ მიღებული გადაწყვეტილებები საზოგადოების ნდობით ვერ ისარგებლებს“,  - აღნიშნა კვერენჩხილაძემ.

მისივე განცხადებით, პრეზიდენტის მიმართვაში დასმული საკითხები, მთავრობის საკანონმდებლო ორგანოს, საპარლამენტო უმრავლესობის მონაწილეობით უნდა დამუშავდეს  და ყველა ზომა უნდა იქნეს მიღებული, რომ რაც შეიძლება სწრაფად მოხდეს საბჭოს რეფორმირება.

„გამომდინარე იქიდან, რომ დღევანდელი მდგომაროებით, საბჭო შეუთავსებელ ორგანულ წინააღმდეგობაშია სამართლიანი მართლმსაჯულების იდეასთან“, -  განაცხადა კვერენჩხილაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა