იტალიის პოლიციამ სიცილიაში დააკავა Cosa Nostra-ს ყველაზე ძებნილი ბოსი, მატეო მესინა დენარო.

იტალიური მედიის ცნობით, დენარო პალერმოს კერძო კლინიკაში დააკავეს, სადაც ონკოლოგიური გამოკვლევის ჩასატარებლად საავადმყოფოში მოათავსეს.

დაკავებას ასე აღწერს ადგილობრივი მედია: „დილის 9:35 წუთზე ბოსი ჩასვეს შავ ფურგონში, რომელსაც რამდენიმე კარაბინერის მანქანა ახლდა ქალაქის მრავალი მაცხოვრებლის ტაშის ქვეშ“.

მატეო მესინა დენარო პოლიციას 1993 წლიდან ემალება და ყველაზე ძებნილი იტალიელი მაფიოზების სიის სათავეში იყო. ის სულ მცირე 50 ადამიანის მკვლელობაშია ეჭვმიტანილი.

დენაროს დაპატიმრება მოხდა ზუსტად 30 წლის შემდეგ ტოტო რიინას (Cosa Nostra მაფიის ყოფილი ხელმძღვანელი, "ბოსების ბოსი") დაპატიმრებიდან, რომელიც მოხდა 1993 წლის 15 იანვარს პალერმოში.

ავტორი: ექსპრესნიუსი,

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა