საქართველოს ეკონომიკისა და მდგრადი განვითარების მინისტრმა მედიასთან კიდევ ერთხელ შეაჯამა ის მნიშვნელოვანი საკითხები, რომლებზეც, საქართველოს პრემიერ-მინისტრისა და თანმხლები დელეგაციის ბრიუსელში ვიზიტის ფარგლებში, ევროკავშირის ასოცირების საბჭოს სხდომაზე იმსჯელეს. ნათია თურნავას თქმით, შეხვედრა მთლიანობაში იყო ძალიან ნაყოფიერი, რადგან განიხილეს მნიშვნელოვანი, რეგიონალურ უსაფრთხოებასთან დაკავშირებული ინფრასტრუქტურული პროექტები, მათ შორის შავი ზღვის არეალში საბორნე მიმოსვლა საქართველოსა და ევროპას შორის.

„პრაქტიკულად, ეს არის ჩვენი საგზაო რუკა სამომავლო პერიოდში, თუ რა მიმართულებით განვითარდება ევროკავშირის მხრიდან მხარდაჭერილი ეკონომიკური პროექტები.  საბჭოზე განსაკუთრებული ყურადღება დაეთმო შავ ზღვაზე კავშირურთიერთობების, ე.წ. „ქონექტივითის" თემას - ეს არის საბორნე მიმოსვლა ჩვენს პორტებსა და ევროპულ პორტებს, კერძოდ, რუმინეთის, ბულგარეთისა და უკრაინის პორტებს შორის" - აღნიშნა ნათია თურნავამ.

მინისტრის თქმით,  ევროკავშირი არის საქართველოს პირველი სავაჭრო პარტნიორი (სავაჭრო ბრუნვის დაახლოებით 23-24 პროცენტი უკვე მოდის ევროკავშირზე), რაც  საჭიროებს უფრო აქტიურ, რეგულარულ მიმოსვლას, პირველ რიგში კი, საბორნე მიმოსვლას.

„ევროპელმა მეგობრებმა აღგვითქვეს მხარდაჭერა იმაში,  რომ უფრო რეგულარული რეისები ხორციელდებოდეს და უფრო მეტი მიმოსვლა იყოს პორტებს შორის, რაც ნამდვილად გააძლიერებს ჩვენს ეკონომიკურ და სავაჭრო ურთიერთობებს", - განაცხადა ნათია თურნავამ.

ავტორი: NS (სტატია დაფინანსებულია),

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი