2015-08-18 10:43:29, 750 ნახვა
ეკონომიკა
ოთარ დანელია: ფქვილის ფასის მატების ლოგიკა არ არსებობს
სოფლის მეურნეობის მინისტრის, ოთარ დანელიას განცხადებით, საქართველოში ფქვილის ფასის მატების ლოგიკა არ არსებობს.
მისი თქმით, საქართველოში ხორბლის ძალიან დიდი მოსავალია, ამასთან, საერთაშორისო ბირჟებზე ხორბლის ფასები გაიაფებულია.
„საქართველოში ხორბლის ძალიან მაღალი მოსავალია. ეს შესაძლოა ცალსახად სასურსათო დანიშნულების ვერ იყოს, თუმცა შერევისთვის ეს მისაღები ხარისხია. ამას ემატება ბირჟებზე გაიაფებული ხორბლის ფასი, საერთაშორისო მასშტაბით ხორბალი ყველგან გაიაფებულია. შესაბამისად, ფქვილის ფასის მატების არანაირი ლოგიკა არ არსებობს“, - განაცხადა ოთარ დანელიამ.
მისივე თქმით, მეწარმეებმა უნდა დააკონკრეტონ, რას გულისხმობენ, როდესაც ამბობენ, რომ ფქვილსა და ხორბლზე კონტროლი გამკაცრებულია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
