საქართველოს შეიარაღებულ ძალებში მინი ფეხბურთში ტურნირი გაიმართა. 

თავდაცვის სამინისტროს ინფორმაციით, ტურნირი სენაკში II ქვეითი ბრიგადის ბაზაზე ჩატარდა და მასში სახმელეთო ჯარების აღმოსავლეთ და დასავლეთ, ასევე ავიაციისა და საჰაერო თავდაცვის სარდლობიდან, გენერალური შტაბის სტრუქტურულად და ოპერატიულად დაქვემდებარებული ქვედანაყოფებიდან და დავით აღმაშენებლის სახელობის საქართველოს ეროვნული თავდაცვის აკადემიიდან შეჯიბრისთვის სპეციალურად შერჩეული პირადი შემადგენლობა მონაწილეობდა.
ტურნირის გამარჯვებული II ქვეითი ბრიგადა გახდა. პირველადგილოსნებს სიგელთან და მედლებთან ერთად ჩემპიონატის თასიც გადაეცათ. მე-2 და მე-3 და მე-4ადგიოლები I საარტილერიო ბრიგადამ, გენერალური შტაბის უზრუნველყოფის ცენტრმა და სპეციალური ოპერაციების ძალების სამხედრო მოსამსახურეებმა გადაინაწილეს.
ტურნირზე ასევე გამოვლინდა: საუკეთესო ფეხბურთელი - II ქვეითი ბრიგადის პირველი კლასის რიგითი ნიკოლოზ უგრეხელიძე; საუკეთესო ბომბარდირი - I საარტილერიო ბრიგადის პირველი კლასის რიგითი დავით ტაბატაძე და საუკეთესო მეკარე - საკომენდანტო ასეულის უზრუნველყოფის ცენტრის უფროსი სერჟანტი შმაგი ტაბატაძე.
შეჯიბრი საერთაშორისო წესების დაცვით მიმდინარეობდა და მას სპეციალურად შერჩეული ინსტრუქტორთა ჯგუფი აკვირდებოდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

WSJ: აშშ-სა და ისრაელის დაბომბვებმა ირანს ბირთვული ბომბის შექმნის შესაძლებლობა არ წაართვა

ორბანი და უნგრეთის საგარეო საქმეთა მინისტრი სიიარტო არჩევნებში დამარცხების შემდეგ საზოგადოების თვალთახედვიდან გაუჩინარდნენ

ანაპას სანაპიროზე ნავთობის დაღვრის შედეგად 200-ზე მეტი დაშავებული ფრინველი აღმოაჩინეს

სააკაშვილი: ივანიშვილს და ოცნებას მამა გარდაეცვალა ორბანის სახით