ზუგდიდის მუნიციპალიტეტის გამგებელმა, ედიშერ თოლორაიამ და სხვა ადგილობრივი თვითმმართველობის წარმომადგენლებმა დღეს, ფაშიზმზე გამარჯვების 70 წლისთავთან დაკავშირებით, ომში დაღუპულთა ხსოვნას პატივი მიაგეს და საფლავები თაიგულებით შეამკეს. 

ამის შესახებ „ექსპრესნიუსს“ ზუგდიდის გამგეობის პრესსამსახურიდან აცნობეს.

მუნიციპალიტეტის გამგეობამ ტრადიციულად მეორე მსოფლიო ომის მონაწილე შვიდ ვეტერანს წელსაც 500–500 ლარი პირად ანგარიშზე ჩაურიცხა. ასევე სიმბოლური თანხა, 200–200 ლარი მარჩენალ დაკარგულებსა და ზურგის მუშაკებს გადაეცათ. 

საქართველოს მთავრობისა და პრემიერ– მინისტრის ირაკლი ღარიბაშვილის ინიციატივით, ომის ვეტერანები - კარლო ლაგვილავა, ნიკოლოზ შარია, სერგო ბუკია და ვლადიმერ ანთია მედლებით დაჯილდოვდნენ და ომის ვეტერანის, საიუბილეო მოწმობები გადაეცათ. 

ამავე დღესთან დაკავშირებით ზუგდიდის მუნიციპალიტეტის გამგეობის პატრონაჟითა და ნატოს საინფორმაციო ცენტრის ინიციატივით რუხის ადმინისტრაციულ ერთეულში მარათონი გაიმართა. გამარჯვებულები მუნიციპალიტეტის გამგებელმა ედიშერ თოლორაიამ ფასიანი საჩუქრებით დააჯილდოვა. 

ნატოს საინფორმაციო ცენტრის ინიციატივით დღესვე მოეწყო გამწვანების აქცია მესხიას სახელობის უნივერსიტეტსა და კოსტავას ძეგლთან, სადაც ადგილობრივი თვითთმართველობის ხელმძღვანელმა პირებმა თავიანთი წვლილი შეიტანეს და ხეები დარგეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს