დღეს ევროპის დღე ქობულეთის სოფელ გვარაში აღინიშნა.

ღონისძიებას აჭარის მთავრობის თავმჯდომარე არჩილ ხაბაძე, აჭარის მთავრობის და უმაღლესი საბჭოს წევრები და ევროკავშირის საქართველოს წარმომადგენლობა ესწრებოდა.

აჭარის მთავრობის პრესსამსახურის ინფორმაციით, ღონისძიებაზე  მიწვეულ სტუმრებს აჭარის ავტონომიური რესპუბლიკის მთავრობის თავმჯდომარე არჩილ ხაბაძე მიესალმა.  სპეციალურად ღონისძიებაზე დასასწრებად აჭარაში  იმყოფებოდნენ გერმანიის ელჩი საქართველოში იტვინ ჰენინგი, ევროკავშირის საქართველოს წარმომადგენლობის სამოქმედო დივიზიის ხელმძღვანელი კაიდო სირელი,  გაეროს განვითარების  პროგრამის მუდმივი წარმომადგენლის მოადგილე საქართველოში შომბი შარპი და სხვა ოფიციალური პირები.

ღონისძიების ფარგლებში მიწვეულმა სტუმრებმა დაათვალიერეს ENPARD-ის პროექტით განხორციელებული აქტივობები, სათბურები სასოფლო სამეურნეო კოოპერატივებზე გრანტით გადაცემული ტექნიკა და მანქანა-დანადგარები. ასევე, გაიმართა „ENPARD აჭარა”-ს ფოტოგამოფენა და  საგრანტო კონკურსში გამარჯვებული 23 კოოპერატივის დაჯილდოების ცერემონიალი.

ევროპის დღისადმი მიძღვნილი ღონისძიება  ევროკავშირის საქართველოს წარმომადგენლობის, გაეროს განვითარების პროგრამის  და  პროექტ ENPARD-ის მხარდაჭერით ჩატარდა.

„ჩვენი შეკრება აგროსერვის ცენტრში შემთხვევითი ღონისძიება არ არის. ეს გახლავთ  ერთ-ერთი სამაგალითო და წარმატებული პროექტი იმ მრავალი სხვა პროექტიდან, რომლითაც ძალიან დიდი სარგებელი აქვს რეგიონის მოსახლეობას და ხელს უწყობს სოფლის მეურნეობის, როგორც დარგის განვითარებას. ეს კონკრეტული და ყველა სხვა არანაკლებ მნიშვნელოვანი პროგრამა, რომლებიც დონორთა ხელშეწყობით და ჩვენი თანამონაწილეობით ხორციელდება, მორგებულია რეგიონის განვითარების სტრატეგიას“, - განაცხადა არჩილ ხაბაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს