2015-05-08 14:38:17, 372 ნახვა
საზოგადოება
გორის რაიონის სოფელ კარალეთში 9 მოსწავლე მოიწამლა
გორის რაიონის სოფელ კარალეთში 9 მოსწავლე საავადმყოფოში გადაიყვანეს.
გავრცელებული ინფორმაციით, მოსწავლეები ერთი სკოლის 4 სხვადასხვა კლასში სწავლობენ.
ჯერჯერობით უცნობია რამ გამოიწვია მოსწავლეების მოწამვლა. არსებობს ეჭვი, რომ მოწამვლის მიზეზი საჭმელი, ან სასმელი წყალი იყო.
მოწამლული 9 მოსწავლე გორის ბავშვთა საავადმყოფოშია მოთავსებული. მათი მდგომარეობა დამაკმაყოფილებელია.
თუ რამ გამოიწვია ინტოქსიკაცია ორშაბათს ანალიზების პასუხების მიღების შემდეგ გახდება ცნობილი.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
